Sarya Gözüoğlu /JINHA

AMED - Kobanê çawan ku bi berxwedanê ve mûhra xwe li vê sedsalê da û bû hêvî ji her kesî re, niha jî bi înşa kirinê ve dê bibe mînak. Hevseroka Meclîsa Adelet û hûkûkê ya Kantona Kobanê Feyziye Abdî diyar kir ku, çawan jin li bajêr bi berxwedana xwe balê cîhanê da ser xwe, dê di xebatên înşa kirinê de jî bi awayek aktîf cih bigre û wiha dom kir: "Qesta me ji înşa kirine tenê avakirina dîwaran nîne. Li Rojava jin ji bo cîhanek nû dixebitin. Em jî di her warê de ji bo jiyanek bi rûmet û wetadar, di bin siya tecrûbeyên xwe de dê xebatên înşa kirinê de cihek girîng bileyzin.

Piştî êrîşên çeteyên DAİŞ'ê li ser Kantona Kobanê û li hember vê yekê berxwedana bê hempa ya şervanên YPG û YPJ'ê daye nişandan, vê carê piştî ku çete ji herêma Kobanê di 27 çilehê de hate paqij kirin dest bi nûve avakirina Kobanê tê kirin. Her wiha ji bo xebatên înşa kirine li Amedê konferans tê li darxistin. Berxwedana jinên kobanê a ku buye hêvî û sembola sedsala 21'a niha de cihê xwe di dîrokê de girt. Hevseroka Meclîsa Adelet û Hûkûkê ya Kantona Kobanê Feyziye Abdî da zanîn ku, bajarê ku tar û mar bûye dê bi destê jinan bê avakirin û bal kişand ku îddiayê jin ya avakirinê piştî îlankirina sistema xweser û demokratik zêde bûye. Feyziye got: " Jin hem di qadên şer hem jî di xebatên înşa kirinê de bi kedek mezin tevlî pêvajoyê bûn."

'Jin di înşa kirinê de jî dê pêşeng be'

Feyziye dest nîşan kir ku, jin di şoreşa Rojava de ne tenê bi dengê xwe hebûna xwe da avakirin û wiha pêde çû: "Jin li her derê bê qûsûr erkê xwe bi cih anî. Ji hemû cîhanê re hêza xwe da nîşan kirin. Berxwedana jinê ne bi gotin, bi heqîqetê derket holê. Jin di nava rêvebirî, sazî û înşa kirinê de cihek girîng girtiye û jin bi vê sekna xwe bûye mînak û balê hemû cîhan girtiye ser Kobanê. Çawan ku jina Kurd û şervanên YPJ'ê cihê xwe di berxwedanê de bi awayek aktîf cih girtin, dê di xebatên înşa kirinê de jî berpirsyariyek mezin hilde ser milê xwe." Her wiha Feyziye bi lêvkir ku, qesta me ji înşa kirinê ne tenê dîwaran avakirine û got: " Em jiyanek nû û saziyên nû ava dikin. Yek ji xebatên înşa kirinê jî konferanse, ev yek jî bi reng û dengê jin pêktê. Koletiya ku çeteyên DAİŞ'ê li ser me dixwest bide meşandin me nepejrand û li hember vê yekê me erdên xwe parast. Sekenek bê hempa me da raber kirin. Bawariya min ewe ku jin di vê konferansê de nîqaşên bi hêz bide meşandin û piştî konferansê jî biryarên ku derên û erkên dikeve ser milê jinan bi cih bîne. Çawan ku şervanên YPG û YPJ'ê axê xwe diparêzin, ji nûve înşa kirin jî parastine. Li Rojava jin ji bo cîhanek nû dixebitin. Em jî di her warê de ji bo jiyanek bi rûmet û wetadar, di bin siya tecrûbeyên xwe de dê xebatên înşa kirinê de cihek girîng bileyzin. Mûzeya ku hatiye vekirin dê şehîdên YPG û YPJ'ê her tim bîra me de bigre. Gelek şervanên YPJ'ê li Kobanê şehît ketin, emê xwedî li şehateta û bîranina wan derbikevin."

'Di înşa kirina Kobanê de, dê bi rengê jin be'

Feyziye diyar kir ku, şoreşa Rojava şoreşa jinê ye ku mirov dikare bêje di cîhanê de mînakên wisan ne hatiye jiyan kirin û wiha dawî li gotina xwe anî: " Ya ku li ber xwe da, çû şahedetê û di înşa kirinê de cih digre bê guman ne tenê jine, lê belê bi giranî jin cihê xwe girt. Ev di cîhanê de mînaka yekeme. Ji ber vê yekê şoreşa Rojava bu şoreşa jinê. Di înşa kirina Kobanê de bi tevlîbûna jinan dê rengek bi hêztir derkeve pêş. Jinên cîhanê hatin û piştevaniya me jî kirin. Dayikên aşitiyê û Tevgerê jinan li ser sînor ji bo piştgiriya berxwedanê bi mehan li sînor man. Ji bo jinan dengê xwe bilind kirin niha jî em dengê xwe bilind dikin. Berxwedana jinên Kobanê ne tenê ji bo wan bû. Li Kobanê jin li hember çeteyên DAİŞ'ê şer kirin. Çeteyên DAİŞ'ê li hember hemû jinan şer kir, berxwedana ku li Kobanê hate dayîn ji bo parastina hemû jinên cîhanê ye. Niha hemû jinên cîhanê deyndara şervanên YPJ'ê ne. Pêwîste hemû jin bikevin hewildana ku jinên kurd nasbikin. Ji bo ji nûve înşa kirinê em bang li tevahî jinên cîhanê dikin ku berpirsyartiyê bide ser milên xwe."

(rc)