Li Qamişlo dibistanek zarokan hat vekirin
16:07
JINHA
QAMIŞLO – Li Qamişlo şaxa çaran ya dibistana zarokan ya ARÎ bi merasîmekê hat vekirin.
Wexfa Jina Azad a Rojava li bajarê Qamişlo çaremîn Dibistana ARÎ ya ji bo zarokên 3-6 salî vekir. Dibistan zarokan li Taxa Qenat Siwês bi merasîmekê hate vekirin. Di merasîma ku bi deqeyek rêzgirtinê destpê kir de, rêveberên Wexfa Jinê, mamosteyên dibistanê û malbatên zarokan amade bûn. Rêvebere Wexfa Jina Azad a Rojava Axîn Amed di merasîmê de axivî û dibistana nû li tevahî malbat û zarokan pîroz kir. Axîn, armanca vekirina dibistana zarokan wiha vegot: “Armanca me ew e ku em hemû jin û zarokan li ser bingehekî saxalem perwerde bikin. Ji bo vê wê xebatên me yên ji bo zarok û jinan berdewam bikin.
Piştre mamosteya dibistana zarokan Dîlan Umer jî diyar kir ku ew ê bi şeklek herî baş zarokan di wê dibistanê de perwerde bikin.
Piştî axavtinan zarokan helbest xwendinû deriyê dibistanê vekirin. Di dawiyê de zarok û malbatên wan di hindirê dibistanê de geriyan û zarok bi leyîstinê şabûn.
Li dibistanê zarokên ku temenê wan di navebra 3 û 6 saliyê de ye, wê zimanê kurdî, erebî û îngilizî jî fêr bibin.
(zt)