Zerin Kurtay-Rojda Serhat/JINHA

ŞENGAL - Piştî êrîşê çeteyên DAİŞ'ê li ser Şengalê, şervanên ku di operasyona 'Rizgariya Şengalê de' cih girtine, soza tol girtina jinên ku hatine revandin û gelê ku hatine qetil kirin dan.

Piştî êrîşê çeteyên DAİŞ'ê li ser herêma Şengalê, şervanên YJA Star, HPG, YPJ, YPG û YBŞ'ê yên ku cihê xwe di operasyona 'Rizgariya Şengalê de' cih girtine nêrînê xwe anîn ziman. Operasyona rizgarkirinê bi fedakariyek mezin demek dirêj didome. Li beramberî hemû taxtîkên ku çeteyên DAİŞ'ê pêktîne, herêma Şengal di bin qontrola şervanên HPG -YJA Star, YPG û YPJ'ê deye. Şervanan diyar kir ku: " Bedêl çi dibe bila bibe em tu car dev ji têkoşîna xwe bernadin."

'Emê tola jinên ku hatine revandin bigrin'

Şervana YPJ'a Şengalê Axîn Yezîdxan, diyar kir ku ew piştî êrîşa çeteyên DAİŞ'ê ya li ser herêma Şengalê pêkhatiye tevlî hêzên parastina cewherî bûye û got: "Li hember qetilama min nekarî bê deng bibim." Axîn her wiha da zanîn ku li ser gelê Êzîdiyan bû 73'ê care qetilam pêktê, lê li hember vê yekê hêzê parastina cewherî nehatibû avakirin. Axîn diyar kir ku ev rewş wê wisan ne dome û got: "Piştî qetilamê êdî me jî weke hêz xwe bi rêxistin kir. Heya niha em her di bin qontrola hinakan de dijiyan û me digot bila ew me biparêzin. Lê belê piştî qatilama dawî ya pêkhatî me famkir ku yên bi gotin me diparastin ew neyartiya me kirin." Axîn bal kişand ser gotina xwe û diyar kir ku, ewê tola qetilama li herêma Şengalê pêkhatiye û jinên ku hatine revandin bigre.

'DAİŞ dê li Şengalê bin bikeve'

Şervana YPJ'ê Dîcle Ela behsa dema hatina xwe ya herêma Şengalê kir û got: " bi girtina Korîdoran em weke hêza teqwiyê hatin Şengalê. Em rastî gelek zehmetiyan hatin lê tu caran moralê me xirab nebû. Di nava hêzên parastinê de ciwanên Şengal jî cih digre. Em bi hêzên YJA Star, HPG, YPG/YPJ, YBŞ û YPJ-Ş re plansaziyên hevpar derdixin. Çawan ku DAİŞ li Kontona Kobanê bin ket, dê li Şengalê jî bin bikeve. Pêwîst be emê salek din jî li vir berxwe bidin. Heya ku Şengal ji çeteyan bên paqij kirin dê têkoşîna me bidome."

'Dê têkoşîna me heya jin azad bibe bidome'

Mizgîn Tolhildan piştî qetilama li ser herêma Şengalê pêkhatiye, ew tevî hêza YPJ Şengal bûye û diyar kir ku, gelê Êzîdî ji ber xwe bi rêxistin ne kiribû berdêlên giran da. Mizgîn wiha berdewam kir: " Piştî qetilama hovene ya ku pêkhatî û bi alîkariya PKK'ê, hem di warê êrîşa li ser jin hem jî li hember terorîstên hov yên ku bin navê olê de mirovan qetil dikin em bûn hêz. PKK'e ya ku erka xwe ya mirovahî bi cih anî û xwe gihand hawara gelê ku dihate qetil kirin jêre dibêjin terorîst. PKK'e ne terorîste, yên ku dibêjin PKK'e terorîste ew bi xwe terorîstin. Berî qetilamê zanistiyek me ya jin tinebû. Lê belê bi vê qetilamê re em şiyar bûn. Ji vir û pêde emê dê parazvanê azadiya gel û jinan bin. Ji ber ku heya jin azad nebe Kurdîstan jî azad nabe."

'Zanistiya jin û civak bi mere pêşket'

Şervana YPJ Şengal Vînar Karoj piştî êrîşê ser herêma Şengalê biryara tevlîbûnê dide. Vînar diyar kir ku armanca wê tola gelê şengalê hilde û wiha got: " Li hember vê qetilamê em nikarin bê deng bibin. Em ji rastiya zanistiya gel û jin dûrbûn. Lê belê bawariya malbat û civaka me piştî vê berxwedanê li hember me hate guhartin. Êdî di wê bawariyê de ne ku di înşa kirina civaka nûde ewê jin pêşengtiyê bike. Em xwe li hember çeteyên ku qetilama ser gelê Şengal pêkaniye û jinên ku revandine û tecevûz kirine parastinê dikin. Heya jinên ku hatine revandin azad nebin dê têkoşîna me jî bidome."

'Xwestin Şengal bi xwînê bişon'

Şervanê HPG'ê Argêş Gever piştî êrîşa ser Şengalê ji bo parastinê derbasî herêmê bû. Argêş berxwedana ku li hember çeteyên DAİŞ'ê hatiy dayîn anî ziman ku " Çete xwesitn Şengalê bi xwînê bişon" lê belê li beramberê hemû êrîşan rastî berxwedanek bê hepa hatin. Argêş her wiha da zanîn ku hêzên parastinê xwedî li gel derketiye û got: " Çar mehin di çeperên pêşde dimînim, li hember hemû taxtîkên çeteyan em şiryarin. Ji xwe çete li hember hêzên me bin ketine, lê vê binkeftina xwe napejrîne ji ber wê yekê erebeyan diteqînin. Bi şerên psîkolojiyê û rêbazên wê êrîş dikin. Li hember hemû êrîşan jî coşa hevalên me kêm nebûye. Ji ber armanca me tola gelê bin dest rakirine."
Şervanên HPG'ê Şivan Egît û Tekoşer Xebat jî di nava hêza parastinê şengalê de cih digrin. Şivan û Tekoşer diyar kirin ku, hemû rêbazên şer yên çeteyan hatiye pûç kirin û dê tu serkeftin li hember hêzên parastinê bi dest nexin.

(rc)