JINHA

SERÊKNIYÊ - Li Serêkaniyê xebatên avakirina komînên jinan berdewam dike.

Li bajarê Serêkaniyê yê Kantona Cizîrê ya Rojava avakirina komînên jinan berdewame. Yekîtiya Star li Taxa Ronahî ya Serêkaniyê ji bo xebatên ji nûve avakirina komînên jinan civîn hat li darxistin. Di civîna bi deqeyek rêzgirtinê despêkirî de gelek jin beşdarbûn. Di civînê de li ser girîngiya xebatên komînan hate rawestandin. Di encamê civînê de komîna taxê hat avakirin û bi hilbijartinê serok û dû alîkarên meclîsa komînê hatin derxistin.

'komîn jiyane û bê komîn jiyan nabe'

Derbarê xebat û civîna komînê de Endama Yekîtiya Star Întîzar Mekê axivî û got: "Komînên jinan yên xweser ji 5 komîteyan pêktên, yek ji van komitan ya aborî, perwerdehî, ya li hevhatinê, ya parastinê û a tenduristiyê ye. Avakirina komînan encama pêşketina xebatên jinê yên li Rojavayê ne. Çawan ku em dibêjin jin jiyane, bê guman komîn jî jiyane û mirov bê komîn nikare hebûna jiyana xwe bidomîne û bi wate bike."

(de/rc)