Mizgîn Adim/JINHA

ŞIRNEX - Civaknsa Navenda Şêwirmendiya Jinan Stiya Zînê Yasemîn Îneç diyar kir ku ew li hember hemu curyên tundiya li ser jinan tê kirin disekinin û polîtîqayên ku tundiya li ser jinê bisekînin dimeşînin. Yasemin ji bo xebatên hevpar û rêxistin bûyina jinê bang li hemu jinên Cizîrê kir û wiha got: "Werin em hev nas bikin û xebatên hevpar bi meşînin. Em tev dizanin ku azadiya jinê di rêxistin bûyina jinê re derbas dibe."

Stiya Zîn li hember tundiya li ser jinê tekoşîn dide meşandin. Stiya Zîn hem piştgirî dide jinên rastî tundiyê hatine û him jî hewildide ku jiyanek nû avabike. Stiya Zîn lez daye xebatên ku aboriya jinê pêş dixin û berî mehekê atolya tekstîlê ku 25 jin tê de di xebitin avakir. Qursa çêkirina ziv û ziberan dide 12 jinan. Navenda Şêwirmendiya Jinan Stiya Zîn di 11'ê Gulana sala 2010'an de ji aliyê Şaradariyê Cizîre ve hatiye avakirin. Stiya Zîn navê xwe ji karekterê destana Mem û Zîn ku ji bo Cizîrê cihekî giring digre ji navê Zînê û xwişka wê Stî digire. Civaknasa Navenda Şêwirmendiya Jinan Stiya Zîn Yasemin Îneç girêdayî sedemên avakirina saziyê û armancên wê de nirxandinên giring kir.

'Li Cizîrê berdel, hêwî û şideta di nav balbatê de zêde ye'

Civaknasa Navenda Stiya Zîn Yasmin Îneç diyar kir ku armanca avakirina saziyê piştgiriyê bidin jinên ku rastî tundiya devletê hatine, jinên keda wan tê xwarin, li hember desdirêjiyê, li hember qetliamê ku di bin navê namusê de tên kirinê, li ne wekheviya di nav nasnameyên zayendî, berdêl, next û hwd bi kurtasî li dijî hemu tundiyê li ser jinan tekoşîna xwe dimeşînin. Yasemin anî ziman ku ku li Cizîrê berdel, hêwî û şidaseta di nav balbatê de zêde ye û wiha got: "Zewacê berdel dibin sebeb ku di nava du malbatan de pirsgirêk derkevin di her du malbatan de jî jin dibin mexdur û serî li me didin. Em piştgiriya hiquqî û derunî didin jinên ku serî li me didin."

'Emê xebatên qurs û atolyayan zêtetir bikin'

Yasamîn da zanîn ku ji aliyekî ve li dijî tundiyê tekoşîn dimeşînin ji aliyê din ve jî ew polîtiqayên ku şiddetê rawestînin dimeşînin û wiha dewam kir: "Em li hember zayendiya civakî, hişmendiya zayendî dixwazin pêş bixin. Em di derheqê vana de semînera didin." Yasemîn balkişand ser di aliyê aboriyê de tundiya ser jinan û wiha pêde çu: "Ji bo ku jin di hêla eboriyê de jî bi qewet bibe em perwedên pîşeyî didin. Mînak a niha em perweda sêwikariya zêr zîberan didin û me di demek nêz de atolyaya tekstîlê jî vekir." Yasemîn desnîşan kir ku ew dixwazin îkidara mêr ya di qada aboriyê de bişkînin û ev tişt got: "Em niha bi gavên biçuk ber bi armancên xwe ve diçin. Ez bawerdikim emê hîn xebatên xurtir bikin û emê guhertinên mezintir pêkbin. Ev xebatên ku li atolyeyê û kursê tê kirin hêzek mezin didin me ewê xebatên me yê bi vî rengî dewam bikin."

'Werin em bi hev re xebatên hevpar bi meşînin'

Yasemîn li ser tacîz û desdirêjiya li hember zarok û jinan jî sekînî û ev tişt got: "Taciz û desdirêjî ne tiştekû were veşartinê ye. Ne tenê kesên ku bi vî re ru bi ru mane kesekî ku buye şahidê buyerê jî divê vê yekê bi gihîne kesên berpirsiyar. Hinga min li vir dest bi xebatê kiriye du buyerê ku zarok rastî îstismara zayendî hatine qewimîn ev buyer tenê ê ku em jê haydar bûne ez texmîn dikim gelek bûyerê bi vî rengî hene. Van bûyeran divê neyên veşartin bên teşhîr kirin. Ev yek ne tiştekî şermêye ev Qad qada tekoşînê ya tu jin yan jî tu zarok divê li hember vê yekê şerm neke ji ber ku ev mexduryet berhema hişmendiya baviksaliriye."

Yasemîn bang li hemu jinên Cizîrê kir da ku xwe bi gihînin wan û got ku ne tenê jinê rastî şidetê tên pêwîste hemu jin xwe bi gihînin wan û wiha dewam kir: "Em bang li hemu jinên Cizîrê dikin em dibêjim werin em hev nas bikin û xebatên hevpar bi meşînin. Em tev dizanin ku azadiya jinê di rêxistin bûyina jinê re derbas dibe."

Mamosta ya qursa zêr û ziberan Şûkran Çeten jî diyar kir ku ev du mehin ew û hevalê xwe bi hev re di xebirin û wiha axivî: "Em li vê derê tev jinin. Em bi vê yekê kêfxweşin, em dixwazin tev bi hev re pêş bikevin li ser piyê xwe bisekinin." Şukran da zanîn ku mehek şunda wê ev tiştê ku li qursê hatine çêkirin derxin pêşengehê.

(ma/zt)