Zehra Doğan/JINHA

AMED - Namzeta Parlementera HDP'ê ya Meletyayê Latife Ulutaş diyar kir ku ew li gel karkerên demsalê di hilberînê de bûye mexdurê karmendên bûnetekel û got: "Çend sermayedar mijmijên Meletiyayê di nava xwe de par dikin. Sermayedarên ku hilberînê di destê xwe de digirin hem xwediyê erd û hem jî karkerên demsalê ziyanê dibînin. Li Meletyayê kedek mezin tê mêtîngerkirin. Emê weke partî hemû hilberîna bûye tekel tine bikin."


Namzeta Parlementera HDP'ê ya Meletya ya ku aboriya wê ser çandiniyê ye Latife Ulutaş di derbarê rewşa Meletya ya ku her diçe ji çandiniyê durdikeve, dibe bajarek pîşesaziyê, di nava bajêr de pirsgirêkên jinan, pirsgirêkên karkerên demsalê û "jiyana nû" ya HDP'ê nirxand. Latife da zanîn ku di demsala havînê de bi hatina karkerên demsalê re pirsgirêkên nava bajêr zêdetir dibin û wiha domand: "Her diçe pirsgirêkên karkeran mezin dibe, ji ber li holê bêmafiyek mezin di aliyê muçe dayînê de heye. Di vê bêmafiyê de xwediyê erdan jî nabin alî, ji xwe ew jî dahatek kêm digirin. Li tirkiyê ne hilberînkar yên difiroşin kar dikin. Ev rewş bi xwe re bêmafiyek mezin tîne."

'Hilberîna mijmijan dibin tekela sermayedaran dene'

Latife destnîşan kir ku piraniya karkerên demsalê yên tên bajêr jin û zarokin û wiha berdewam kir: "Jin û zarokên di nava civakê de dibin mexdurê polîtîkaya newekheviyê vêcarê jî bi muçeyek kêm cardin dibin mexdurê polîtîkaya newekheviyê. Heya xwediyê mal li Tirkiyê kar bidest nexe dê xwediyê erdanê yên jin jî kar bi dest nexin. Xwediyê erd yê ku ji hilberîna difiroşe kar neke, dê nikare karkerên xwe jî bixe bin ewlehiyê. Karker bi muçeyê kêm û bê ku ti mafê civakî hebe dixebite. Dema ku cînayetên kar çêdibe xwediyê kar jî dibin de dimîne. Xwediyê kar nikare muçeyê karkeran bide û di heman demê de karker jî bedelê keda dide nagire. Vêcarê jî karker û karmend tên hember hev. Lê di vê rewşê de ne ewlehiya karkeran û ne jî ya karmandan heye. Li Meletyayê mijmij gelek zêdene lê ti pere pêve nayê. Ji ber hilberîna mijmijan di destê sermayedaran dene. Sermayedar vê hilberînê di destê çen ticaran de digire, hem karker û hem jî karmendan perîşan dike. Çend sermayedar bi mêtîngeriya kedê ticareta mijmijan dikin, li kêlekan jî karker û karmend tên perçiqandin û diçin. Li Meletya mêtîngeriyek mezin ya kedê heye. Emê weke partî hilberîna bûyî tekel hilweşînin."

Letife wiha axaftina xwe domand: "Em dizanin ev hemû lîstokên sermayedaranin. Sermayedar mezin dibin û bilind dibin, hejarî jî baş kur dibe. Tirkiye her diçe tekeldibe. Ferqa navbera feqîr û dewlemendan jî her diçe mezin dibe. Karmendên heman karî dikin, yek pir qazanc dike yê dinê jî birçî dimîne. Her diçe pirsgirêk zêdetir mezin dibe." Latife anî ziman ku di nava ticareta heyî de jin pir dixebitin, lê di aliyê girtina muçe de rastî newekheviya zayendî tê û wiha dom kir: "Jin rastî sepandinên weke zêdebûna saetên nobetê, hêza kar ya kêm, mobing, tacîz û gelek tiştên dinê, bi vî awayî dibin lîstokên pergalê de tê perçiqandin. Ji ber wê jî em dibêjin HDP partiya jinane. Heya jin azad nebe jiyan jî azad nabe. Partiya me dê ji jinên dixebitin heya yên karê nava malê dikin bi mîktarek diyar dahat bidin. Ji xwe daçunek mezin li çek, şer û bombeyên gazê diçe. Em difikirin ku vê daçunê ji bo jinan veqetînin."

'Li Meletyayê jin ji mafê xwe ne hayedarin'

Latife got: "Meletya cihek kozmopolît e ji gelek gelan û baweriyan jin têde hene." Latife bilêv kir ku beşek mezin yê bajêr ji deshilatiyê bi gilîne û wiha pêde çu: "Em weke jinên di nava tevgera kurdan de li bajêr 20 salin dixebitin. Li bajêr bi giştî jin ji hişmendiya zayendî durin. Ez bawerim weke HDP emê vê hinekdî daxin astek kêm."

'HDP ji bo jinan cihek yê xw îfadekirinê ye'

Latife dibêje: "Ez difikirim ku ti navendên jiyanê yên jin destê xwe nedinê nagihije serketinê. Me mînaka vê li Rojava dît. Birastî ez difikirim rizgariya Tirkiyê bi destê jinan çêdibe. Ji ber wê ye HDP'ê ji bo jinên kurd, tirk, çerkez, ermanî, elewî û suryanî xwe îfadebikin navendek avakir. Em hemû weke baxek mezin yê gulanin. Ez bawerdikim bi rêzdariya hev û ji pirsgirêkên hev re tehmulnîşandanê emê biserkevin."

(zt)