JINHA

AMED - KJA'ê yê bi daxuyaniyek şehîdên miha Gulanê bi bîranî. Di daxuyaniyê de wiha hat gotin: "Em li ser bingeha girêdana bi bîranîna şehîdên Kurdîstan û şoreşê re, bang li gel dikin ku li bîranînên şehîdên gulanê û hemû şehîdan xwedî derbikevin."

Kongreya Jinên Azad (KJA) ji bo şehîdên miha gulanê banga tevlîbûna çalakiya bîranînê kir. Daxuyaniya KJA'ê wiha ye: "Di dîroka şoreşa Kurdistanê de, miha gulanê weke miha şehîdan tê bi navkirin. Di miha gulanê de şehadet û berxwedaniyên mezin veşartîne. Mîrasên ji Mazluman, Heqi Kareran, şeva çaran û berxwedana mînak a azadiya jinan Ş. Mizgîn (Gurbet Aydin) ji mere hatiye hêştin. Bi vê armancê em wek tevgera KJA yê bang li hemû gel dikin ku tevlî çalakiyên bîranîn şehîdê miha gulanê bibin."

Di daxuyaniyê de, Leyla Qasim ya ku di meha gulanê de hatiye qetil kirin, Ferhat Kurtay yên ku li Girîtgeha Amedê agir berdayîn canê xwe, Eşref Anyık, Mahmut Zengîn, Necmî Oner, Îbrahîm Kaypakkaya, 1'ê gulanê 1977'de li Taksîmê karkerên hatine qetil kirin û Denîz Gezmîş tevî hevalên xwe hatin bîranîn û wiha hat berdewam kirin: "Miha gulanê ne tenê ji bo şehîdên bakûrê Kurdistanê ji bo hemû aliyên Kurdistan û Tirkiyê girîngiyek wê ya berxwedanê heye. Li başûrê Kurdistanê miha gulanê de Leyla Qasim bi rihê xwe ya fedayî li hember rejîma Saddam dîroka tevgera jina azad nivîsand...

Li hember zordarî û desthilatdariya nijetperest şeva çaran (Ferhat Kurtay, Eşref Anyik, Mahmut Zengîn û Necmî Oner) berxwedanê hildan ser milê xwe û ber bi serkeftinê ve çûn. Li hember cuntaya leşkerî ya nijetperestên 12 Îlonê bersiva herî mezin bi agir berdana canê xwe dan. Di nava tevgera çepgirên Tirk jî gelek berxwedanî û şahadetên bi wate di meha gulanê de pêkhatiye. Îbrahîmên ku di zîndana Amedê de bi îşkenceyan hatine qetil kirin, Denîz Gezmîşên ku hatine darve kirin û 1'ê gulanê 1977'an de qetil kirina 34 kedkarên jî di vê mehê de pêkhatiye.

Em weke tevgera KJA'yê li ser bingeha girêdana bi bîranîna şehîdên Kurdîstan û şoreşê re, bang li gel dikin ku li bîranînê şehîdên gulanê xwedî derbikevin.

(rc)