JINHA

WAN - Hasret Mete ya ku li Erdîşê di mala xwe de bi derbê guleyê hatî qetilkirin hatî dîtin, piştî karê otopsiyê birin gundê lê hatî dinê sipartin axê. Hasret a ku hat hînbûn di 17 saliyê de hatiye zewicandin ji aliyê aktîvîstên KJA yê ve hat oxirkirin.

Li taxa Çelebîbax a navçeya Erdîş a Wanê jina bi navê Hasret Mete 18 salî di mala xwe de ku guleyek a tufengê lê ketibû hat dîtin. Hat zanîn ku Hasret a 6 meh berê 17 salî hatî zewicandin malbata hevserê wê ew bir nexweşxaneyê, lê di rê de jiyana xwe ji dest da. Cenazeyê Mete pêşî birin Morga Nexweşxaneyê ya Dewletê û piştre ji bo otopsiyê birin Wanê. Piştî bûyer hate bihîstin endamên Kongreya Jinên Azad (KJA) hatin nexweşxaneyê û cenazeyê Hasert danîn ser milê xwe. Jinan bal kişandin ser ambulansa sivîl a ku cenaze têde bû û destnîşan kirin ku we dibe delîl bêne tune kirin.

Hat diyarkirin ku hevserê Hasret ji ber di avahiyan de dixebite, li derveyê bajêr bû. Mamê jina ciwan Hasert Ethem Ete ku cenazeyê biraziya xwe dît bal kişand ku bûyer ne bûyerek xwekujî ye û xwest bûyer bê lêkolînkirin.

(zt)