JINHA

EFRÎN - Li tax û gundên kantonên Efrîn û Cîzîrê bi pêşengiya Rêxistina Yekîtiya Star avakirina komunên jinan berdewam dike. Jin di civînên xwe de nirxandinan ser zêdetir zindîkirina komunan dikin.

Li Kantona Efrînê bi pêşengiya Rêxistina Yekîtiya Star avakirina komunên jinan berdewam dike. Herî dawî li navçeyên Cindirisê û Şêrawan yên Kantona Erînê, li bajarên Qamişlo û Dirbêsiyê yên Kantona Cizîrê bi dehan komun hatin avakirin û jinan derbarê xebatên xwe yên avakirina komunan de civîn lidarxistin.

Li 8 taxên Cindirêsê komîn hatine avakirin

Piştî ku rêxisitna Yekîtiya Star a navçeya Cindirêsê ya Kantona Efrînê avakirina komînên jinan bi dawî kir, civînek berfireh ji hemû endamên komînên jinan re lidar xistin û piratîzekirina komînan nîqaşkirin.Civîn bi beşdarbûna nûnerên komînên 8 taxên navçeyê ji endmên komînan re lidar xist. Civîn bi armanca aktîfkirina rola komînên jinan di nava civakê de li navenda çand û hunera demokratîk a navçeyê bi rêzgirtinê dest pê kir. Rêvebera Yekîtiya Star Zozan Henan li ser rastiya jinan û dîroka wê ya berxwedanê di nava civakê de axivî. Zozan, destnîşan kiriye rola komînan di rêxistinkirina civakê û avakirina civakeke demokratîk de pir girînge. Zozan, bang li jinan kir ku rola xwe ya di nava civakê de pêş bixe û xwe ji zihniyeta desthiladariya zilaman rizgar bike. Di dawiya civînê de li ser rola komînan û komîteya wan nîqaş hatin kirin.

Li Şêrawa civîna avakirina komunan

Rêxistina Yekîtiya Star li gundê Kebaşîn a Navçeya Şêrawa ye Efrînê civîn ji serokên 10 komînên jinan re lidar xistin. Civîn bi rêzgirtinê dest pê kir û piştre endama Rêveber a Yekîtiya Star Feraşîn Roj axivî û bal kişand ser rola komînên jinan di rêveberiya civakê de û got: "Pêwste hemû jinx we bi rêxistin bikin, da ku karibe baştir erka xwe ya di nava civakê de pêk bîne û bi xwe pirsgirêkên xwe çareser bike." Feraşîn, destnîşan kir ku jinan di nava dîrokê de civak bi rêve digirin û wiha dom kir: "Em jî pêwîste wê serdemê jiyan bidin û rola jinê ya nava civakê pêş bixin. Le ser vî esasê pêwîste em jin xwe pêş bixin û civakê jî pêş bixin." Piştî axaftinê di navbera beşdaran de nîqaş hatin kirin û di encmê de meclîsa komînên jinan ên 10 gundan ji 7 kesan hatin hilbijartin. Jinan civîn bi diruşmeyên "Bijî Serok Apo" bi dawî kirin.

Li Qamişlo û Dirbêsiyê 39 komun hatin avakirin

Yekîtiya Star bi armanca ku feraseta jinê bê serwerkirin û sîstem baştir bê fêmkirin biryar girtibû ku komînên jinan ji nû ve bêne birêxistinkirin. Di çarçoveya biryarê de jî di 14’ê nîsanê de ji nû ve avakirina komînan hatibû destpêkirin. Di çarçoveya xebatan de li bajarê Qamişlo û xetên gundên girêdayî wê heta niha 34 komînên jinan hatine avakirin. Li gorî vê yekê li navenda bajar, li taxa Qenat Siwês 6, Enteriyê 5, Kornîş 5, Qudur Beg 2, Bişêriyê 1, Hilêliyê 5, Xerbî 3 û li xetên gundan jî 7 komînên jinan ji nû ve hatin avakirin. Li bajarê Dirbêsiyê jî di çarçoveya heman xebatan de heta niha 5 komînên jinan ji nûve hatine avakirin. Komînên ku ji nû ve hatine avakirin jî komînên bi navê Şehîd Amara û Şehîd Viyan Peyman ên taxa Şehîd Koçerîn, komînên Şehîd Perwîn û Şehîd Perwer Zîlan ên taxa Şehîd Berçem û Komîna Şehîd Warşîn a taxa Şehîd Ebdulrehman in. Li bajarên din ên Kantona Cizîrê jî xebatên ji nû ve avakirin komînên jinan tên meşandin.

(zt)