JINHA

ŞIRNEX – Şervana YPJ'ê Ayten Gok (Dıldar Gabar) li gundê xwe Şewê bi merasîmek girseyî hat definkirin. Di merasîmê de Namzeta Perlementera HDP’ê Leyla Birlik axivî û diyar kir ku jinên kurd li Kobanê û Şengalê pêşengtiya berxwedana rumetê kirine.

Şervana YPJ’ê Ayten Gok (Dildar Gabar) a ji gundê xwe yê Şewê yê navçeya Basa a Şirnexê bi merasîmek girseyî hat defin kirin. Ayten di Cotmeha 2014’an de di şerê li dijî çeteyên DAİŞ’ê de jiyana xwe ji dest da. Cenazê Ayten Gok (Didar Gabar) ji aliyê Cizîriyan ve hat pêşwazî kirin û bi konvaoyek ku ji sedan wesayîtî pêk dihat ber Basa ve ket rê. Cenazeyê Ayten li ser daxwaza malbatê cara dawî wê birin mala wê û paşê jî jinan cenaze li ser milê xwe birin goristan gund û definkirin. Piştî definkirinê merasima canaze pêk hat. Parlementerê HDP’ê Faysal Sarıyıldız, Namzeta HDP’ê Leyla Birlik, Hevşaredar a Cizîrê Leyla Îmret, Hevşaredara Hezexê Nevin Oyman Endamê Meya- Der, HDP û DBP jî di nav de gelek welatî beşdarî merasimê bûn. Di merasîmê de duruşmên weke "Bijî Serok Apo", "Şehîd namirin" û "Kujer DAIŞ hevkar AKP" hatin bilind kirin.

Di merasîmê de Hevseroka DBP’ê ya Şirnexê Zozan Anık axivî, sersaxiya ji malbatê û hemû gelê Kurd re xwest.

Piştî Zozan Namzeta Parlementera HDP’ê a Şirnexê Leyla Birlik jî balkişand ser berxwedana jina kurd û wiha dewam kir: "Jina kurd li şengalê, li Kobanê berxwedana rumetê dikin. İro malabata Dildar bûye malbata hemu gelê kurdistanê.”

Bavê Ayten, Salih Gok jî got ku Ayten ne kewa wan ew keça hemû gelê kurde û got: "Divê ji bo ked û bexwedana wan em hemû di hilbijartinan de bi fedekariyek mezin bixebitin. Yên dengê xwe bide AKP’ê dengê xwe didin inkarkirina nasnama xwe."

(ma/zt)