JINHA

ENQERE - "Hewildana Bila Girtîgehên Zaroka bên Girtin" daxuyand de hat diyar kirin ku li Girtîgehên Tirkiyeyê 2 hezar û 200 zarok hene, ji wan 542 zarok hikûmxwar, hezar û 658 zarok jî girtî ne. Hewldanê ragihand ku wan di çarçoveya kampanyaya ku ji bo girtina girtîgehên zarokan dane destpêkirin de 27 hezar îmze komkirine.


"Hewildana Bila Girtîgehên Zaroka bên Girtin" der barê xebatên xwe yên têkîldarî girtîgehên li Navenda Giştî ya ÎHD'ê daxuyanî da çapemeniyê. Endamê ÎHD'ê Huseyîn Kuçuk daxuyanî xwend û diyar kir ku di demekî nêz de zextên li ser zarokan ên li girtîgehên wekî Pozanti, Şakran, Kurkçuler, Antalya û gelek girtîgehên din pêk tê bala wan kişand li ser girtîgehên zarokan.

Huseyîn ragihand ku li girtîgehên Tirkiye yê ji îro 2 hezar û 200 zarok hene û wiha berdewam kir: "Ji wan 542 zarok hukumxarine, hezar û 658 zarok jî girtî ne. Ev yek jî nîşan dide ku dewlet gelek caran serî li rêbaza girtinê dide." Kuçuk bilêv kir ku kampanya ya wan a ji bo girtîgehên zarokan bên girtin bi awayekî girseyî berdewam dike û wiha axivî: "Me di demekî kin de 27 hezar û 155 îmze komkiriye û ev îmzeyên ku hatine komkirin daye Midûriyeta Giştî ya Malên Tewqîf û Cezayê."

Huseyîn anî ziman ku wan daxwazên xwe yên wek bila însiyatifa wan bikaribe li girtîgehan bigere û bila girtîgeh ji bo heyeteke serbixwe bên vekirin ji rayedarên dewletê re ragihandine. Huseyîn xwest ku ev daxwazên wan bên qebûlkirin.

(rc)