Zerin Kurtay-Rojda Serhat/JINHA


ŞENGAL - Xebata çêkirinê balafira ku ji aliyê şervanên PKK'ê ve demek dirêj li ser dihat kirin tevî pîlotên jin amede ye. Şervanên YJA Star Leyla Nupelda û Arjîn Serhat piştî demek dirêj perwerde li ser karanîna balafirê ditin diyar kirin ku, ew kelecana buyîna pîlota PKK'ê ên yekem dijîn û gotin: "Dê her serkeftinek me ji bo tol girtina jinên Şengalê be."

Piştî êrîşa çeteyên DAIŞ'ê ya li ser herêma Şengalê, berxwedan parastinê ya ku ji aliyê şervanên HPG, YJA Star, YPG/YPJ hatiye despê kirin bê navber didome. Di çerçoveya operasyona rizgar kirina herêmê de, balafirên keşfê yên ku ji aliyê PKK'ê ve hatibû çêkirin, despêkê ji bo cerbandinê hat xebtandin niha jî, ji bo têkoşîna li hember çeteyên DAIŞ'ê dê were bi karanîn. Ji bo xebitandina balafiran jî şervanên YJA Star perwerdeya pîlotbûnê dîtin. Ji Şervanên YJA Star yên perwerdê dibînin Leyla Nûpelda û Arjîn Serhat yên ku dê cara yekem ew balafirê PKK'ê bi karbînin hest û ramanên xwe bi ajansa me re par kirin.

'Buyîna pîlota PKK'ê a yekem heyecan dide'

Şervanên YJA Starê Leyla û Arjîn diyar kirin ku gelê Şengal rastî qatilama çeteyan hatin. Ji bo ku em herêmê ji çeteyan paqij bikin ketine hewildanên mezin. Leyla diyar kir ku,di sala 2013'de tevlî têkoşîna azadiya kurd bûye û ew piştî ku qorîdora duyem hat vekirin derbasî herêma şengalê bu û tevlî operasyona rizgar kirinê buye. Her wiha Leyla bi lêkvir ku, buyîna pîlota PKK'ê a yekem gelek heyecan dide wê. Leyla behsa hatina xwe ya li herêma Şengalê dike û wiha pêde çû: " ji ber qetilama ku pêkhatiye psikolojiya jinên Şengal gelek xirab bibû. Armanca hatina min hem ji bo jinên vir bibim alîkar hem jî herêm rizgar kirine. Emê çete ji herêmê paqij bikin û piştre hêza jin li Şengalê avabikin."

'Balafir şervanên PKK'ê çêkir'

Leyla da zanîn ku êdî gelê Şengalê pêwîstiya wan bi kes nemaye û wiha dom kir: "Armanca me li vir ne tenê çek bi kar anîn û şerkirine, em hewil didin jiyan civakê bi rêxistin bikin. Di heman demê Leyla ji bo balafirên ku hatine çêkirin diyar kir ku, balafir ji aliyê şervanên PKK'ê di encama xebatek dem dirêj de hatiye çêkirin û got: " komek me ya pîlot heye. Di serî de balafirê ku hatibû çêkirin ji bo denemê bu. Piştî ku xebata çêkirinê bi ser ket hevalên me ji me ra gotin 'Hun dikarin bi karbînin'. Me jî got 'Jin bixweze dikare her tişt bike' û me xwest em bibin pîlotê PKK'ê a yekem. Leyla ji bo bikaranîna balafirê jî diyar kir ku ew perwerde dîtine û wiha pêde çû: " Niha em ber bi pisportiya vê xebatê ve diçin. Em heyecana buyîna pîlota PKK'ê a yekem dijîn."

'Her serkeftinek me dê ji bo tol girtina jinên Şengalê be'


Arjîn Serhat da zanîn ku ew di sala 2013'de tevlî Tevgera azadiya Kurd buye û wiha got: "Berî her tişt bandora qetilama ku li ser gelê me hatiye kirin, bi serkeftinên ku em bi dest bixin em dikarin bidin derbas kirin. Serkeftinê me bi taybet ji bo tol girtina jinên Şengalê ye. Emê tola jinên Şengal ên ku çeteyên DAIŞ'ê revandine hildin. Li hember qetilama ku pêkhatiye ne gengaze ku mirov pê bandor nebe, lê tolgirtina me dê serkeftina me be. Di nava PKK'ê de mirov bibe pîlota yekem bawariya cewherî pêşdixe. Bi gotina 'pîlotên mêr hene, çima jin tine be' me dest bi vî xebatê kir. Gelê Şengalê hîna jiyana xwe di konan de derbas dikin, pêwîste her kes destê xwe dirêj bike û ji bo gelê Şengalê bikeve nava liv û tevgerê alîkariyê."

(rc)