Filiz Zeyrek/JINHA

ADANA - Namzeta Parlementera HDP'ê ya Edeneyê di Rêza 2'emîn de cîhdigire Meral Daniş Beştaş diyar kir ku armanca wan ewe 5 parlementeran ji Edeneyê derbixin û got: "Edene hemû reng, nasname û baweriyên li Tirkiyê di nava xwe de dihewîne. Ji ber wê jî emê ne cudabûnê hevgirtinê bingeh bigirin."

Ji hilbijartinên 7'ê Hezîranê re bi hijmar roj mane namzetên jin li bajarên lêne lez dan xebatên xwe yên hilbijartinê. Namzetên HDP'ê yên jin li navend, navçe, bajarok û gundan bi gel re tên bahev û projeya jiyana nû vedibêjin. Ji van bajarên xebatên jinan bi lez berdewam dike jî Edeneye. Namzeta Parlementera HDP'ê ya Edeneyê di Rêza 2'emîn de cîhdigire Meral Daniş Beştaş xebatên hilbijartinê vegot. Meral da zanîn ku ew li kolan kolanên Edeneyê digerinî, ji bo jinan civînan çêdikin û wiha domand: "Di serî de jin em bi gel re tên bahev û rastî eleqeya mezin ya gel tên. Bi tayîbetî em ji aliyê jinan ve rastî eleqeyek mezin tên. Em di civînan de ser pirsgirêkên jinan di rawestin. Jin çawan dijîn, rastî pirsgirêkên çawan tên, rêjeya bêkariyê di kîjan astê deye nirxandinan dikin û dibin xwedî raman. Em hem pirsgirêkên jinan digirin dest û hem jî projeyên xwe yên ji bo jinan dinirxînin."

'Edene yek ji bajarên herî zêde têde qirkirinên jinan zêdeye'

Meral anî ziman ku li gorî îstatistîkan yek ji navendên herî zêde qirkirinên jinan lê tê jiyankirin Edeneye û wiha berdewam kir: "Bi tayîbetî li Edeneyê tabloyek cuda derdikeve ber çavên me. Edene bi awayê li du beşî belavbûyî hatiye sazuman kirin. Weke herêma bakur li gel başur a ku di aliyê stanta jiyanê de feqîrî, bêkarî, mal û rêyên wan dema lêtê nêrîn newekheviya çînî li holê baş diwxiyê. Di navê de jî kesîma herî mexdur dibin jî jinin." Meral derbirî ku ji navendên Kurdistanê jî koçên mezin ber bi Edeneyê ve çêbûne û wiha dom kir: "Me pirsgirêkên kurdên ku bi zorê ji gundên wan hatîn derxistin û ji neçarî koçî Edenyê kirin çavdêrî kirine. Mirov di şertên gelek zor de jiyan dike."

'HDP partiya gelane'

Meral bilêv kir ku ew ji bo gel nirxandinên di çarçova li Tirkiyê mafê jinan, gelan nîne, mirov bi azadî najîn û wiha pêde çu: "Ev nerênî ji aliyê jinan ve tê dîtin. Em weke HDP hewil didin xwe bidin têgihandin. HDP bi nirxdayîna jinan polîtîkaya jinan dimeşîne." Meral diyar kir ku li Edenê ew ne tenê ji kurdan deng dixwazin û got: "HDP partiya gelane. Em ji bo ji hemû gelan alîkariyê bixwazin hatine. Me li 81 navendên Tirkiyê bi giştî 500 namzet nîşan dane. Ji van namzetan 268 jinin. Di dîroka Tirkiyê de cara yekeme evqas namzetên jin tên nîşandan.

Meral da zanîn ku hemû rengên Tirkiyê li Edeneyê ne û wiha domand: "Edene hemû reng, nasname û baweriyên nava Tirkiyê di hindirê xwe de dihewîne. Li Edeneyê aramca me 5 parlementer derxistine. Emê ne cudahiyê hêva hevgirtinê bin. Em dixwazin nûneriya hemû gelên li Edeneyê bikin. Emê di nava nêzîkariyên giştî girtinê debin. Ji xwe Edene jî xwediyê sazumaniyek giştiye. Di siyaseta Tirkiyê de rolek giring yê Çukurovayê heye. Li Edeneyê zêdekirina dengan di heman demê de tê wateya zêdekirina nûnertiyê jî. Heya 7'ê Hezîranê divê her kes weke namzetekê bixebitin û xwe tevlî nava xebatên HDP'ê bikin. Tenê bi deng dayînê nabe, ev partiya me tevane. Em bi partiya xwe li Tirkiyê xwediyê hêzek mezin ya hamleyek nû dana despêkirinin."


(zt)