Bêrîtan Elyakut/JINHA

RIHA - Namzeta Parlementera HDP'ê ya Rihayê Hadle Ugur ya ku bi salane li hember polîtîkaya dewletê ya înkar û îmhayê tekoşînê dike, amadekariyê tekoşîna aştiyê bibe meclisê dike. Hadle diyar kir ku dayîkên kurdan bi salane êşê dikişin ji bo bidawîbûna êşan bang li dayîkên tirk jî kir û got: "Werin em bi hev re ji yên zarokên me dişînin mirinê hesap bipirsin. Ji bo dayîk êdî bê weled nemîne nin werin em bibin yek"

Partiya Demokratîka Gelan (HDP) ya ku ji reng û nasnameyên cuda pêktê li Rihayê Hadle Ugur ya ku bi salane ji bo ku pirsgirêka kurd bi awayê aştiyane bê çareserkirin tekoşînê dike namzet nîşan daye. Hadle hem girêdayî xebatên xwe yên nava HDP'ê û hem jî girêdayî tekoşîna xwe ya bi salan nirxandin kir. Hadle da zanîn ku ji dema HADEP'ê heya niha ew di nava partiyên siyasî de tekoşînê dike û wiha domand: "Di salên 2000'an de ji ber ez diçum partiyê û dihatim derdor bertek nîşanî min didan. Cardin jî ez neketim û karê xwe berdewam kir. Piştî salan derdorên min hînbûn ku çima ez tekoşînê dikim."

'Ezê bi kincên xwe yên netewî biçim meclisê'

Hadle anî ziman ku wê dibistana seretayî xwendiye. Hadle destnîşan kir ku dê bi kincên xweyên netewî biçe meclisê li wê bi nasnama xwe ya kurdîniyê karbike û wiha berdewam kir: "Hevserê min ji doza siyasî di girtîgehê deye. Du keçnê min nava refên PKK'ê denin. Lawek min jî li Kobanê hember çeteyên DAIŞ'ê şer dike. Keça min Hîlal a 18 salî ji ber tindiya pergalê tevlî nava refên PKK'ê bû, piştî 7 mehan jiyana xwe jidest da. Pergalê her dem hewildaye bi polîtîkaya îmha û înkarê pirsgirêka kurd çareser bike. Bi salane ser gelê kurd polîtîkaya tindiyê da meşandin. Li hember vê polîtîkaya tinekirin û tindiyê gelê kurd zêdetir li tekoşîna xwe ya azadiyê xwedî derket."

'Me ticarî dest ji tekoşîna xwe ya şatiyê bernedaye'

Hadle bilêv kir ku bi wê polîtîkaya tinekirinê bi salane dayîkên kurd gelek êş kişandine û wiha dom kir: "Me dayîkên kurdan bi salan tekoşîna aştiyê meşand. Ji bo ku em dest ji tekoşîna aştiyê berdin gelek astengî li pêşiya me çêkirin, lê me tucarî dest ji tekoşîna xwe ya aştiyê berneda û emê bernedin jî. Ez dixwazim yên ser deshilatiyê dengê min û dayîkên mîna min yê azadiyê bi bihîsin. Em jinên nava HDP'ê emê dengê xwe bi her kesê bidin bihîstin. Ji bo ku dayîk negirîn ez bûm namzet. Tenê partiya dixwaze dengê dayîkan bide bihîstin, li hember şer û ji bo rawestandina xwînê tekoşînê dike HDP ye."

'Emê ji yên zarokên me dişînin mirinê hesap bipirsin'

Hadle derbirî ku wê di sala 2004'an de ji bo keyatiya taxê namzetiya xwe daniye, li gel 550 deng girtiye jî ji ber tindiya mêran serneketiye û wiha pêde çu: "Emê weke HDP bendê hilweşînin reng û sazumaniya mêran ya nava meclisê biguherin. Weke kurd dem dema yekbûna meye. Divê em li hember hemû xirabiyan bibin yek dil û bi hev re bixebitin. Bila dayîkên tirkan destê xwe dirêjî me bikin em bi hev re xwîna diherike rawestînin. Werin em bi hev re ji yên zarokên me dişînin mirinê hesap bixwazin. Ji bo ku carekdin dayîk bê weled nemîne em bibin yek."

(zt)