JINHA

DÎLOK - Li Dîlokê di çerçoveya xebatên hilbijartinê de namzetên jin yên HDP'ê xebatên xwe didomînin. Namzetên jinên HDP'ê hem ji nêzde rewşa jinan dişopînin hem jî politikaya HDP'ê ya jinan ji jinan re vedibêjin. Hevdîtinên ku bi coş derbas dibe, namzetan wek diyariya hilbijartinê şal diyarî jinan kirin.

HDP'ê bi durişmeya "Derê ku em lênedin dilê ku em xwe nexinê wê nemine" xebatên hilbijartinê bi hemû lezgîniya xwe didome. Namzeta HDP a Dîlokê Gûlseren Kocaer, Hevseroka HDP'ê ya bajêr Dîlan Çetînkaya û Hevseroka HDP'ê ya Navçeya Belkîsê Edîbe Şahîn li gundê Acemî, Aşagi Çardakê û li taxa Belkizê mal bi mal ziyaret kirin. Namzetên HDP'ê di ziyareta xwe de, bi jinan re li mal runiştin û pirsgirêka jin û zarokan guhdar kirin. Di heman demê de Gûlseren Kocaer axivî û got: " Em hatin da ku ji welatiyên cotkar re bibin hêza çareseriyê. HDP'ê partiya gelane û partiya we ye. Ezê di meclîsê de tenê nûnertiya we bikim, asil ê ku diçe meclîsê hûn bi xwene. Em ji we daxwez dikin ku hûn dengê xwe bidin xwe." Hevdîtina ku bi coş hat pêşwazî kirin, di hevdîtinê de namzet wek diyariya hilbijartinê şal diyarî jinan kir.

(rc)