JINHA

STENBOL - Xebatkara Weqfa Mor çati ya sitariya jina Melîke Keleş, destnîşan kir ku li tevahiya Tirkiyê heyan niha nahêlin jinên ku li Mala Starê dimînin mafê xwe yê deng dayînê bi karbînin. Melîke bertekên xwe wiha anî ziman, li tirkiyê deng dayîn mafê rewa ya her welatiyeke, lê belê ji bo jinên ku li Mala Starê dimînin tu guhartin ne hatiye kirin û got: "Dewlet bi vê helwesta xwe diyar kir ku çiqas nirx daye jinê."

Di hilbijartina Giştî ya ku di 7'ê Hezîranê de li Tirkiyê pêkwere jinên ku li Mala Starê dimînin dê nekaribin dengê xwe bi karbînin. Piştî daxuyaniya Kolîsyona Jin ya "Bi sedan jin dê dengê xwe bi karneyînin" ji bo piştgiriya Mor Çatî jî daxuyanî da. Derbarê mijarê de Xebatkara Weqfa Mor Çati ya Mala Stara Jin Melîke Keleş li bin gotina xwe xêzkir û diyar kir ku, çewan di hilbijartinên borî de jinên ku li malên starê dimînin dengê xwe bi kar ne anînê dê di hilbijatina pêşiya me de jî nekaribe dengê xwe bi karbîne. Melîke da zanîn ku ji bo jin dengê xwe bi karbîne ew xebat nedane meşandin û wiha got: "Ev rewş tê wateya jin bê hêz kirin û ceza kirine".

'Dixwezin jin bê hêz bikin'

Melîke destnîşan kir ku deng bi kar anîn mafê her welatiye, mafê jinên ku li mala starê dimînin dewlet ji wan sitandiye. Melîke got: "Devlet ne tenê nahêle jinên li mala starê dimînin deng bidin. Di heman demê de hewil dide ku amûrê danûstandinê jî qedex bike û dest datîne ser telefonê wan."

'Dewlet bi vê helwesta xwe hişmendiya li hember jinê diyar kir'

Melîke da zanîn ku dewlet hinceta ne bi kar anîna deng, bi ewlehiya jinan ve girêdide. Lê ji bo ewlehiya jinan gelek rêbazên çareseriyê heye vê yekê nake. Melîke di dawiyê de bal kişand ser jinên ku li girtigehê dimînin dikarin dengê xwe bi karbînin lê belê jinên ku li mala starê dimînin mafê deng dayînê jêre nayê dayîn, dewlet bi vê helwesta xwe hişmendiya li hember jinê diyar dike.

(rc)