Derya Ceylan / JINHA

STENBOL - Rewşa tenduristiya girtiya nexweş Fatma Tokmak ya ku qepaxa dilê wê îflas kiriye her diçe giran dibe. Parêzer Eren Keskin diyar kir ku ev saleke rapora Fatma li Tiba Edlî tê girtin û got: "Gelek girtiyan di girtîgehan de jiyana xwe ji dest dan. Ez hêvî darim ku Fatma jî nebe yek ji wan û ev dewlet bi wijdana xwe biriyar bide û girtiyên nexweş serbest berdin."

Her diçe rewşa girtiya nexweş Fatma Tokmak ya ku li Gritîgeha Sergirtiya Tîpa L a Bakirkoyê dimîne her diçe giran dibe. Ji ber rewşa wê ya giran di hefteya derbasbûyî de Fatma rakirbûn Nexweşxana Dewletê ya Mehmet Akif Ersoy a Kardiyoloji 4 qepaxên dilê wê îflas kirine. Eren Keskin ya ku demdirêje parêzera Fatma ye rewşa wê ya tendiriystiyê û saziyên dewletê yên peyîwendîdar nirxand.

'Li girtîgehê Fatma rastî nexweşiya dil hat'

Eren wiha berdewam kir: "Ji ber Fatma tirkî nedizanî salên demdirêj îfade neda. Piştî salan bi rêya wergervanan îfade da. Di salên girtîgehê de rastî nexweşiya giran ya dil hat. Ji ber gelek travmayên weke dîtina îskenceyên giran û bi salan dur mayîna ji zaroka xwe ye nexweşî. Ji ber nexweşiya wê me raporek girt, di sala 2005'an de dema ku doza wê berdewam dikir hat berdan. Lê di sala 2006'an de cardin cezayê muebetê danê. Li gel di dosya Fatma de ti delîl nînin jî cardin cezayê muebetê danê. Di sala 2010'an de ev ceza li darazê hat erêkirin."

Ji Tiba Edlî rapora 'ji bo di girtîgehê de manê asteng nîne'

Eren da zanîn ku di sala 2010'an de dema li darazê cezayê Fatma hat erêkirin, paşê ji bo cezayê wê paşbixin du car serlêdan kir, lê serlêdan bê encam man. Eren balkişand ser helwesta Tiba Edlî û da zanîn ku Tiba Edlî rapora "girtîgeh ji bo manê ne astenge" danê û wiha dom kir: "Lê herî dawî di 23'ê yê Tîrmeha sala 2014'an Weqfa Mafê Mirovan girêdayî rewşa Fatma raporek nû amadekirin. Girêdayî rewşa Fatma bi destnîşana Profesor Bijîşk Şebnem Korur Fincanci 'mudaxla lezgîn ya kesan ya tedawiya tibî û rehabilasyonê, li gel wan jî weke parçeyek giring ya pêvajoya başbûnê rewşa kes ya derûnî û civaki ye, ji bo van hemûyan mayîna Fatma ya di girtîgehê de ne gengaze. Ji ber nexweşiya Fatma û rewşa wê ya piştî emelyatê ji bo şertên girtîgehê ne gengaze.' Li gel van hemûyan jî di rapora tibî de nirxandinên der tehlîlên rastiya nexweşiyê û rastiya tibê tên kirin û weke dikare di girtîgehê de bimîne nêz dibin."

'Ev meheke rapor li tiba edliye'

Eren bilêv kir ku berî salekê rapor êdî nikare li girtîgehê bimîne stand, ji ber rapora girtî serî li Serdozgeriya Kobarê da, lê dozgeriyê rapor şand Saziya Tiba Edlî, hîna li wê tê payîn û wiha dom kir: "Ev saleke rapor li Saziya Tiba Edlî tê payîn. Fatma jî di navê de rewşek wiha ya girtiyên nexweş heye. Li gorî hişmendiya mafê mirovan ev peyîwendiya xwe bi hiquqê re nîne. Ew rehîn girtîne, Fatma jî wihaye. Weke dîlên şer van mirovan di hindir de digirin. Gelek girtiyan di girtîgehan de jiyana xwe ji dest dan. Ez hêvîdarim ku Fatma jî nebe yek ji wan, demek ji ya dinê zutir dewlet bi wijdana xwe biriyar bide van girtiyên nexweş serbest berde."

Dibêje 'Bila wijdan bikeve tevgerê'

Peyama ku duh Fatma Tokmak di hevdîtinê de dayî wihaye: "Bijîşk dibêjin 'ji sedî 90 dê bimirê. Em nikarin di girtîgehê de ji 5 rojan zêdetir te li nexweşxanê bigirin.' Ez hatime rewşek êdî bi serê xwe nikarim jiyana xwe bi rêve bibim, ma vê bêmafiyê nabînin. Ez tenê ji bo xwe nabêjim, yên weke min di heman rewşê de û weke min mirinek aram dixwazin bi dehan hevalên min hene. Ji bo yên di mînin bin dîwaran de bila wijdanê we bikeve nava tevgerê."

(zt)