JINHA

AMED - Endama Yekîtiya Jinên Demokratên Rojhilatê Kurdistanê Rojbîn Behrami êrîşa ser Ferînaz Xosrawani weke parçeyek ji polîtîkaya tecawîzê binvakir û got: "Ferînaz qêrîna jinan ya li hember çanda tecawîzê ya mêrane, divê jin li vê qêrînê xwedî derkevin û li her derê bertekên xwe bînin ziman. Li her qada em hebin emê li hember çanda tecawîzê tekoşînê bilind bikin. Piştî berxwedana li Rojhilatê Kurdisanê bilindbûyî emê desturê nedin tindraw û tecawîzkaran."

Hêrsa gel ya li hember bûyera Ferînaz Xosrawani ya ku dema di otelek ya Mahabadê de dixebitî ji bo xwe ji tecawîza endamên îstihbarata Îranê biparêze we ji otelê avt û jiyana xwe ji dest da weke lêhiyê belavdibe. Bi pêşengiya KJA yê jinên li Amedê hatin bahev gotin "Ferînaz raperîna meye." Yek ji jinên nava çalakiyê de cîh girt Endama Yekîtiya Jinên Demokratên Rojhilatê Kurdistanê Rojbîn Behrami jî got: "Ferînaz bû îspata divê jin li her qadê hember çanda tecawîzê qêrîna xwe bilind bike û li her derê bertekên xwe nîşan bide."

'Emê desturê nedin tecawîzkaran'

Rojbîn bilêv kir ku di rastiyê de Mahabad, Ferînaz û hemû jin bi tenîn nîne û wiha domand: "Di serî de Mahabad hemû Kurdistan ji Qamişlo, Amed, Silêmanî û her deverê xwedî li berxwedana Mahabadê derketin. Ji bo xwedîderketina li Ferînaz û Rojhilatê Kurdisanê em li vêderêne. Emê li her qada lêne li hember çanda tecawîzê tekoşînê bilind bikin. Emê piştî berxwedana li Rojhilatê Kurdistanê bilind bûyî desturê nedin tecawîzkaran."

'Heger dewleta Îranê misilmane bila li gora wê nêz bibe'

Endama Meclisa Dayîkên Aştiyê Havva Çetin jî ji bo xwedîderketina li berxwedana Ferînaz wiha got: "Heger dewleta Îranê misilmane divê li gora wê nêz bibe. Ji xwe bingihê hîzbulahan ji wê derdikeve, tacîz û tecawîz ji wê derdikeve. Eger di nava dewletan de çanda tecawîzê ser jinan berdewam dike em wan dewletan naxwazin. Em wê dewletê şermezar dikin. Dê zarokên kurdan mafê xwe bixwazin û li mafê xwe xwedî derkevin. Eger ew dewlet li ber çavê me zarokên me darvedike em wê dewletê naxwazin. Em wan mirovên ku weke temaşevan li bûyerê dinêrin û dengê xwe nakin jî weke mirov nabînin. em bang li dewleta Îranê dikin bila destê xwe ji mirovahiyê ji zarokên me kurdan bikişin. Li me guhdarî bikin, dibe ku bi saya me hun jî bibin mirov û azad bibin."

'Dixwazin bi polîtîkaya tacîz û tecawîzê berxwedana jinan bişikînin'

Endama Meclisa Aştiyê ya Ewrupayê Xasê Çelebi jî bang li hemû kurdên li her deverê kir ku li hember qirkirin û mirinan rawestin û got: "Ya li tevahiya Rojhilata Navîn, Kurdistan û tayîbetî jî ser jinan tê meşandin kirinên dermirovanene. Em weke parêzvanên mafê mirovan ya li Îranê û tevahiya cîhanê ser jinan tê meşandin şermezar dikin. Hîna polîtîkaya dardekirinê ne bese bi tacîz û tecawîzê dixwazin berxwedana jinan bişkînin. Em êdî naxwazin qirkirinên wiha bên jiyan kirin û em bibînin."


(zt)