JINHA

ŞIRNEX – Dayikê Şemiyê di çalakiya xwe ya 333’emin de aqubeta İhsan Arsanê ku di sala 1993’de ji alêyê cerdavana ve hatiye kuştin hat pîrsin.

Dayikê Şemiyê di hefta 333’emin de jî daxwaza edaletê kirin. Dayikê Şemiyê her hefte ji bo ku aqubeta xizmên xwe û darezandina faîlên wan bipirsin li ber Dibisatana Navîn a Cizîrê tên cem hev. MEYA-DER, KURDÎ-DER, TUHAD-FED ji bo piştgiriyê tevlî çalakiya Dayikê Şemiyê bûn. Di çalekiyê de wek her hefte pankartê ku albuma wundayiyan û kesên hatî kuştin li ser hebû hat vekirin. Vê heftê çîroka Îhsan Arslanê ku di sala 1993’de ji aliyê cerdevanên weke, Kamil Atak, Kukel Atak, Ahmet Atak, Temer Atak, Rauf Atak ve Mehmet Nuri Binzet ve pêşî tê girtin û dure kuştin. Çiroka İhsan ji Aliyê Nûnerê Şaxa İHD a Şirnexê Abdullkerim Pusat ve hat vegotin. Abdulkerim got ku ev 300 hefte zêdeye ew çalakiya xwe dewam dikin û êdî gotina çîrokan malbatan xemgin dike loma jî ewê çîrokên kesan bixwînin.

Abdullkerim diyar kir ku hevjîna Îhsan Şevkiye Arsalan bi çavê xwe dîtiye Îhsan çawan birine, kudebirine jî lê dozger vê yekê ji nedîtî ve dinêre û wiha axivî : "Şevkiye dibêje min bi çavê xwe dît lê kes guhdar nake a niha kujerê Salih di nav me de digerin. Heta kêngê emê li van çîroka guhdar bikin. Ez bang li dadger û dozgerê vî welatî dikim bila failê van kuştina derxin holê. Eger berpirsiyarê kuştinan werin ceza kirin hindik be jî ewê birîna van dayikan sar bive.”

Abdullkerim jina ciwan ku li Îranê ji bo xwe ji destdirêjên endamên îstixbarata Îranê xelas bike xwe kuştiye bi bîr xist û got ku heta kengê wê jin di bin navê îslamê de werin kuştin. Abullkerim Îranê rexne kir xwest ku Îran ji xwe re nebêje Komara Îsalmê.

Piştî axaftinan 5 deqe çalakiya runiştinê pêk hat.

(ma/zt)