JINHA

STENBOL - Endama Heyeta Îmraliyê Ceylan Bagriyanik axaftina vekirinê ya Komxebata Azadiya Jinê ya Pêvajoya Demokratîk Çareserî û Muzakereyan kir û got: "Em bi rêzdarî xwe li ber berxwedana Ferînaz ditewînin, em dizanin ku emê di tekoşîna xwe ya jinê de sekna wê ya azadiyê bilind bikin û li hember vê qirkirinê dengê xwe bilind bikin. E dixwazim li vêderê berxwedana hêzên demokratîk yên Îranê silav bikim. Ceribandinek aştiyê ya bi perspektîfa jinan çawan çêdibe emê bi hev re nîşanî gelên Rojhilata Navîn bidin. Dê serkeftin bibe ya jinên li ber xwe didin, xwe bi rêxistin dikin û ceribandinên aştiyê bişdixin be."

Komxebata Azadiya Jinan ya Pêvajoya Çareseriya Demokratîk û Muzakereyan ya bi pêşengiya Kongera Jinên Azad (KJA) yê li Salona Dadgehê ya Kampusa Dolapdere ya Zanîngeha Zanînê hat lidarxistin. Di saetên serê sibê yên zu de jinên hatin piştî amadekariyên xwe yên ber derî qedandin ketin hindir. Di komxebatê de parlementerên HDP'ê Sabahat Tuncel, Pervîn Buldan, Selma Irmak, Endama KJA yê û Heyeta Îmraliyê Ceylan Bagriyanik, Endama Hewla Jinan ya Ji bo Aştiyê (BÎKG) Nukhet Sirman û Nazan Ustundag, Rojnameger û Nivîskar Kezban Hatemi, Ayşe Bohurler, Ayşe Hur, Ayşegul Devecioglu, Pinar Ogunç, Banu Guven, Mehveş Evin, Hunermend Julide Kural, Prof. Dr. Fatmagul Berktay, Parêzer Hulya Gulbahar, Eren Keskin, Parlementera CHP'ê ya Stenbolê Binnaz Toprak, Lêkolînvan û Nivîskar Zeynep Gambetti jî di navê de gelek akademisyen, parlementerên HDP'ê yên jin û feminist beşdarbûn.

'Emê li hember qirkirina Ferînaz dengê xwe bilind bikin'

Di komxebatê de despêkê Endama KJA yê û Heyeta Îmraliyê Ceylan Bagriyanik axivî. Ceylan Ferînaz ya ku ji bo xwe ji tecawîza hêzên îstihbarata Îranê yên tayîbet biparêze xwe ji qata 4'an ya otela ku têde dixebitî di avêje û jiyana xwe ji dest dide bibîranî û wiha got: "Em bi rêzdarî xwe li ber berxwedana Ferînaz ditewînin, em dizanin ku emê di tekoşîna xwe ya jinê de sekna wê ya azadiyê bilind bikin û li hember vê qirkirinê dengê xwe bilind bikin. E dixwazim li vêderê berxwedana hêzên demokratîk yên Îranê silav bikim. Ceribandinek aştiyê ya bi perspektîfa jinan çawan çêdibe emê bi hev re nîşanî gelên Rojhilata Navîn bidin. Dê serkeftin bibe ya jinên li ber xwe didin, xwe bi rêxistin dikin û ceribandinên aştiyê bişdixin be. Sibê roja dayîkane. Em roja hemû dayîkan pîroz dikin. Ez hêvîdarim ku emê bi vê komxebatê ji bo dayîkan aştiyek biromet bînin."

'Şerê aştiyê kirin zore'

Ceylan ji bo giringiya komxebatê jî wiha axivî: "Di pêvajoya çareseriyê de weke jin emê çawan cîh bigirin, emê bi vîn û nêrîna jinê emê çawan aştiyê bihonin, em ji bo wê li hev civiyane. Di komxebatê de gelek mamostayên me yên di qadên akademiyê de gelek ked dane hene, hevalên me yên di qadên sendikayan de ked dane, dayîkên aştiyê, jinên ji rêxistinên jinan yên Tirkiyê, gelek jinên di nava rêxistinên femîntistan de gelek ked dane û hemû têkela KJA yê li vêderê ye. Dema ku min jî ev profîl dît bi min re kelecanek gelek mezin da çêkirin."

Ceylan pêvajoya çareseriyê nirxand û anî ziman ku di ceribandinên cihanê de jî xuya dike pêvajoyên aştiyê hêsan nîn e. Ceylan da zanîn ku pêvajoya muzakereyê ji ber nêzîkahiya dewlet û hikûmetê rawestiya û wiha got: "Bi awayekî vekirî nêzîkahiyekî rawestanekê tunebe jî diyalogên li Îmraliyê bi awayekî fîlî dane rawestandin. Hikûmeta bersiva daxwaz heyetên Îmraliyê nade di mijara çareseriya pirsgirêka kurd nêrîna wê bi vekirî nîşan da. Ji bo pêvajo xilas bibe serî li provokasyonan dikin. Tevgera azadiya kurd û hevbirên wê nêzîkahiyên provokatîf vala dersitin."

'Em nûneriya hemû jinên li Tirkiyeyê dikin'

Ceylan bilêv kir ku bi Rêberê PKK'ê Abdullah Ocalan re ji bo heqîqata civakê derbixin holê û di mijara rû bi rûbûnê nîqaşên gelek cidî pêk anîn û 10 madeyên li Dolmabahçeyê ji bo çareseriya pirsgirêka kurd aşkera kirin ji bo demokratîkbûna Tirkiyeyê gelek girîng in û wiha axivî: "Ligel mutabakatek çêbû tiştên pêvîst bi cih neynan. Ji van madeyan yêk jî azadiya jinê bû. Em heya tevlî heyetê bûn me gelek pirsgirêkên jiyîn. Piştî Ocalan got di maseya jin li ser nebe tevlî nabe got tevî heyetê bû. Erê ez weke KJA'yê tevlî heyetê bûm lê em nûnertiya hemû jinên Tirkiyeyê dikim." Ceylan destnîşan kir ku peywirên gelek mezin dikevin berê jininan û wiha pê de çû: "Em di ceribandinên cihanê de dibînin. Di ceribandinên cîhanê de di pêvajoyên çareseriyê de jin tunene. Li ser helwesta Ocalan jin tevlî vê pêvajoyê bû û cih girtin. Ji ber vê yêkê ferqa me heye. Ji ber ku jin di muzakereyên cihanê de cih negirtin. Ji ber vê yêkê nebûn pêvajoyên muzakereyên rastî. Em di vê mijarê de bi şans in. Em tevgerekî cîdî ya azadiyê ne."

'Heke jin nebin aştiyekî rast nabe'

Ceylan derbirî kir ku di Heyeta Îmraliyê de weke KJA cih girtin lê em li ser navê hemû jinên Tirkiyeyî li wi rin û wiha axivî: "Em ji bo jin wekhev tevlî bibin û li Tirkiyeyê nûnertiyê bikin di nava vînekê de ne. Di vê pêvajoyê de jin nebin pêşnavkeve. Jin tevlî nebin aştî pêk nayê."

(zt)