Perwîn Xelîl /JINHA

RIMÊLAN - Endama Komuta Rêveber a PYD'ê Beşîra Derwîş ser li darxistina kongrê û encamên ji nîqaşan hatî derxistin nirxandinên giring kir û got: "Em di pêvajoyek gelek giring re derbasdibin. Bêguman di vê pêvajoya giring de erk û berpirsyariyên me jî zêdene. Ji ber ku PYD ne tenê partiyek siyasiye di heman demê de partiyek civakiye jî. Ji bo wê jî di vê pêvajoyê de lidarxistina kongrê weke pêdiviyek serekebû. Dê piştî kongê xebata partiyê bikeve pêvajoyek zêdetir giring."

1'emîn Kangra Partiya Yekîtiya Demokratîk (PYD) ê li Navenda Çand û Hunerê ya Aram Tigran a li bajaroka Rimêlan ya bajarê Girkê Legê a Kantona Cizîrê bi beşdarbûna 450 delegeyên PYD’ê yên hemû bajar û naveçeyên kantona Cizîrê û 150 mêvanan despêkir. Bi tevlîbûna Hevseroka Giştî ya PYD'ê Asya Abdulah hevseroka kantona Cizîrê Hediya Yûsiv, Serokê Meclîsê Rêvebir Ekrem Hiso û piraniya Serokên desteyan, Tevgera Civaka Demoqratîk, gelek endamên partî û saziyên civaka sivîl kongireya PYD'ê hat li darxistin. Kongireya ku bi durşmeya 'Ji Rojava ya Azad ber bi Suriyeya Demokrat ve' bi deqeyeke rêzgirtinê hatibû despêkirin. Piştre li ser navê Dîwana partiyê axaftin hat kirin, paşê ji bo delege û mêvanên hazir li ser berxwedaniya bajarê Kobanê sinevizyonek hat pêşandin.

Di berdewamiya kongireyê de Hevseroka PYD Asya Ebdullah axivî, Asya di axaftina xwe de bal kişand ser berxwana Rojava ya ku weke şoreşa jinê tê nasîn. Rêveberiya Xweser serokwezîrê kantonê Ekrem Hiso, li ser navê Tevgera Civaka Demoqratîk Endamê kordînasiyona Tev-Dem'ê Şahoz Hesen axivî û paşê gelek peyem ji aliyê gelek sazî û partiyan ve hatin dayîn û peyama Hevseroketiya Kantona Cizîrê hate dayîn, di peyam û axaftinan de lidarxistina kongireya yekemîn li ser asta Cizîrê hat pîroz kirin. Di dewama kongirê de rapora xebata salekê hat xwandin û nirxandina rewşa xebatê hatin kirin. Her wiha di dawiya kongireyê de ji bo hilbijartina kordînesyona Kantona Cizîrê hilbijartin hatin lidarxistin û ji bo tevahî bajaran 35 endam hatin hilbijartin. Her wiha derbarê kongireya PYD'ê û armanca wê Beşîra Derwîş Endama komîta Rêveber a PYD'ê axivî û wiha got: ''Piştî ku kongireya awerta di sala 2012'an de me lidarxist û rêveberiya xweser hat îlankirin, li gorî wê li ser asta kantonan kongire em e lidarbixin li Efrîn û Kobanê piştre ji bo lidarxistina kongireya gîştî li ser asta Rojava û Sûriya û him jî di Başûr, Ewrûpa û Lubnanê de karê me heye û van nirxandinên kar û xebatan bibin kongira gîştî.''

'Em bi nûneriya wekhev dixebitin'

Beşîra wiha derbarê kar û xebatê de axivî û got: ''Em di qonaxeke girîng de derbas dibin ji bo vê yekê gelek kar û xebat pêwîst dikin, û em çiqas bikin jî hîn jî ji bo vê qonaxê kême. Lê em dikarin bibêjin belkî partiya PYD'ê bû, PYD'ê ne tenê partiyeke siyasî bû lê di heman demê de partiyeke civakî jî bû. Berî kongirê kar û xebata partiyê rengek bû lê piştî kongirê wê rengekî din be.''

Beşîra wiha axaftina xwe domand: ''Di nava partiyên Rojavayê Kurdistanê PYD partiya yekeme ku sîstema hevseroketiyê da meşandin, ev sîstem ji sala 2012'an de pêktê û heta roja îro jî, û li ser wî esasî karê hevbeş jin û zilam di nava partiyê de dimeşîne. Niha di nava kongirê de hijmara me jinan ji sedî 50 ye wek kote berê serê ji sedî 40 bû her karê me niha di nava partiyê de hevbeş tê meşandin û di nava hilbijartinan de jî ev wekhevî tê meşandin. Di nava partiya PYD'ê de jin gihîştiyê wê asta ku hevbeşiyê di kar de bike di warê rêxistinî, di warê siyasî de, di perweredeyan de hemû jinên PYD'ê derbas dibin. Jina kurd ne kêmî PYD'ê ye û di her karî de cihê xwe digrin.''

'Bila her jinek jihê xwe di nava siyasetê de bigire'

Derbarê jina siyastmedar de Beşîre wiha peyivî: ''Di nava Rojavayê kurdistanê de di her warî de çi leşkerî, siyasî, aborî, dîplomasî û civakî de jî jinê cihê xwe girt. Di hundirê Rojavayê Kurdistanê de şoreş bi şoreşa jin hatiye naskirin û siyaseta herî adil siyaseta ku jin dide meşandin.'' Beşîra wiha dawî li axaftina xwe anî: ''Ji bo demên pêş de projeyên partiya me gelek in, me berê digot PYD partiyekî Rojavayiye lê niha em dibêjin PYD partiyeke Sûriye, ji ber ku em di bin durişmeya 'Ji Rojava ya Azad ber bi Suriyeya Demokratîk ve' em dibêjin emê xwe bighînin hemû netewên ereb, asur û suryanan jî. Ez dibêjim bila her jinek cihê xwe di nava siyasetê de bigre ji ber ku her kesî digot siyaset ne karê jinê ye, lê em dibêjin siyaset karê jinê ye ji ber ku siyaseta rast û adil ji aliyê jin de tê meşandin .''

Kongre bi hilbijartina nûnerên nû bi dawî bû.

(px/rc/zt)