Roksan Erfîn/JINHA

QAMİŞLO- Jinên Kantona Cizîrê ya Rojava kiryar û şîdeta rejîma Îranê li ser jina kurd Ferînaz Xosrewanî li Mahabadê bi tundî şermezar kirin.

Êrîşa ku li hemberî jina kurd Ferizan Xoşrewanî ya li bajarê Mahabadê rastî hewldana tecawîzê ya endamên îstîxbarata Îranê hat û ji bo ku nekeve dest, xwe ji qata 4'an de avêt û jiyana xwe ji dest da. Ev kiryarên qirêj bê navber li hemû cîhanê li ser jinê tê meşandin. Di keseyeta jinên kurd de berxwedana li hember paşverotiyê bê sînor didome. Di derbarê buyera ku li Îranê pêkhatiye de, ji her aliyê Kurdistanê rastî bertekên dijwar tê. Rêvebiriya Destaya Jin ya Rojava jî buyerê şermezar kir û bertekên xwe anîn ser ziman.

'Ev êrîşek navnetewiye'

Rêvebira Destaya Jin Jiyan Hec Elî kiryarên rejîma Îranê şermezar kir û wiha got: "Em kiryarên şidetê ya ku rejîma Îranê li ser jina têkoşer Ferînaz Xosrewanî pêkaniye şermezar dikin. Pêwîste li hemû cîhan jin rabe ser piyan û xwedî li rûmeta xwe derbikeve û li hember desthilatariya dewletê têbikoşe. Pergala desthilatdar bi van êrîşan dixwezin hêza jin bin pêbikin. Ev êrîşek navnetewiye ya li ser jin tê kirin. Ferînaz serî li hember vê pergalê ne danî û li berxweda pêwîste her kes xwedî li vê helwesta û rûmetê derbikeve. Îro sekna jinên cîhanê bi berxwedana jina têkoşer Ferînaz bandor dibe. Ev yek jî diyar dike ku bingeha azadiya jin tê avakirin."

Rojnamegera Destaya Jin Hedî Elelî weke rojnamegerek jin berteka xwe li hember vê buyerê bi lêvkir: "Ez wek endama raghandina Destaya Jin ya Rojava ya Kurdistanê, buyera Îranê û kiryarên ku li ser têkoşer Ferînaz hatiye kirin bi tundî şermezar dikin. Pêwîste hemû raghandin erkê xwe yê demê bi cih bîne û van kiryanên qirêj ên rêjîma Îranê ji tevahiya cîhanê re raghîne. Emê bi hemû derfetên xwe têkoşîna vê yekê bidin tu caran emê kiryarê dewletan ya li ser jin nepejrînin."

(rc)