JINHA

STENBOL - Yard. Prof. Nazan Ustundag di Komxebata Azadiya Jinê de got: "Dema ku pêvajoya aştiyê pêş dikeve êrîşên ser jinan jî zêde dibe û qirkirin tên jiyan kirin. Divê li Tirkiyê mekanîzmayên jin gotinên xwe bêjin bên pêşxistin. AKP navendên jinan teng dike. Jinan girêdayî dewletê dihêle. AKP dayîktiyê weke karyer dibîne û jinan weke meta dike. Em dibêjin jin hîmên bingehîn yên aştiyê ne. Divê di vê komxebatê de mekanîzma wekhev bibin û ji bo hînbûna mekanîzmayan navend bên amadekirin."

Bi pêşengiya Kongreya Jinên Azad (KJA) li Kampusa Dolapdere ya Zanîngeha Bîlgî, Komxebata Azadiya Jinê ya di Pêvajoya Muzakere û Çarseriya Demokratîk de, pêk hat. Di Komxebata Azadiya Jinê de di bin navên “Pênasekirina pirsgirêka azadiya jinê” “Azadiya jinê di warê qanûnî û makeqanûnî de îfade kirin” “Bi awayeke rêxistinkirî û wekhev nêzîkî sîstemê bûn” “ Di malê de pirsgirêka jinê ya azadî û wekheviyê” xebatên atolyeyan hate destpêkirin. Komxebata Azadiya Jinê ya di Pêvajoya Muzakere û Çaraseriyê bi axaftina Endama Hewldana Jinê ya ji bo Aştiyê û Akademîsyen Nazan Ustundag û Aktîvîsta KJA’yê Ayşe Berktay berdewam kir.

'Di pêvajoya aştiyê de êrîşên ser jinan zêde dibe'

Nazan Ustundag got ku wan têkîldarî mijara tevlibûna jinan a aştiyê xebat meşandine lê di vê mijarê de ji bo ku xebatên xwe berfireh bikin gelekî kêm mane û lê ligel vê yekê jî ew dikarin yekîtiyeke baş ava bikin. Nazan diyar kir ku dema ku jin dikevin pêvajoya aştiyê wê demê pêvajo ciakî dibe. Nazan bilêv kir ku divê jin bi awayeke xurt tevli pêvajoya aştiyê bibin û wiha berdewam kir: “Sê bernavên ne bingehîn hene. Ya yekemîn di makeqanûnê de pêkanîna aştiyê ye, duyemîn ewlehiya jinan ya seyemîn jî pirsgirêka heqîqetan e, divê bi paşerojê re hevrû bibin.”

'Komxebat di pêvajoyek dîrokî de hat lidarxistin'

Aktîvîsta KJA’yê Ayşe Berktayê jî anî ziman ku di pêvajoya ku xitemiyê de komxebateke wisa pêk anîn girîng e, dewlet xwedî li pêvajoyê dernakeve ji ber vê yekê jî ew di noqteyeke krîtîk de ne. Ayşe diyar kir kul i aliyeke li Rojava li aliyê din Agirî, li Tirkiye û Kurdistanê êrîşên li dijî jinan hene û wiha axivî: “Divê em jin xebatên xwe bikin yek. Ji bo ku cihgirtina heveleke di heyeta Îmraliyê de girîng e. Cihgirtina jinan a di mekanîzmayên civakî de girîng e, em ê çawa li dijî têkîliyên tehakumê têbikoşin divê biryarê bidin.”

Piştî axaftinan komxebatê bi atolyeyan ve berdewam kir. Jinên ku di 4 atolyeyan de hatine cem hev di atolyeyên wekî “Pênasekirina pirsgirêka azadiya jinê” “Azadiya jinê di warê qanûnî û makeqanûnî de îfade kirin” “Bi awayeke rêxistinkirî û wekhev nêzîkî sîstemê bûn” “ Di malê de pirsgirêka jinê ya azadî û wekheviyê” xebatên atolyeyan didomînin. Nîqaşên atolyeyan dê heta êvarê berdewam bike. Piştre jî dê encam bên nirxandin û mekanîzmayên rê û rêbazan dê bên nîqaşkirin û bi encamnameyê ve bê aşkerakirin.

(zt)