JİNHA

DÎLOK - Namzeta Parlementera HDP'ê ya Dîlokê Gulseren Koçaer diyar kir ku partiya wan bi nûneriya wekhev û kevneşopiyek kedkar heya van rojan hatiye. Gulseren da zanîn ku li Dîlokê navendên ku jin di aliyê civakî, siyasî û çandî de bîne ziman nîne û got: "Divê veguherînên civakî pêkbên. Ji ber wê jî divê em lez bidin xebatên xwe yên rêxistinî û bi hişmendîkirinê. Her wiha yek ji navendên herî zêde cînayetên jinan têde çêdibin jî Dîloke. Divê li gorî tayîbetiyên bajêr polîtîkaya bajêr bê honandin. Em namzetên ked û dengê jinên vî bajarî birina meclisêne."

Ji bo hilbijartinên 7'ê Hezîranê partiya herî ser tê axaftin HDP ye. HDP ya ku nûneriya wekhev bingeh digire, danezana jinan amadekirî û polîtîkaya jinan bingeh digire dişopîne ji bo jinan tercîha yekeme. HDP ya ji 550 namzetan 248 namzetên jin diyar kirî her namzetek ji yên dinê zêdetir ji rengê cudaye û nûneriya hemû kesîmên civakê dikin. Namzeta Parlementera HDP'ê ya bajarê pîşesaziyê Dîlokê Gulseren Kocaer hem bi nasnama xwe ya kedkar û hem jî nasnama xwe ya aktîvîstiyê derdikeve pêş. Gulseren ya ku ji dema avabûna HDP'ê heya niha zindî di nava xebatên siyasetê de cîh girtiye me jî pirsa beriya 7'ê Hezîranê û piştî wê jê pirsî.

'Em bi kedê heya van rojan hatin'

Gulseren destnîşan kir ku ji ber despêka xebatên HDP'ê tekoşîna jinane ji ber wê ji despêkê heya niha ew têde dixebite û bi heman şêweyî bûye namzet û wiha xavî: "Di nava civakek ya jin û mêran li kêleka hev ne didan runiştandin weke partiyek di xebatên xwe de despêk dayîna jinan şoreşeke û şoreşek ya hemû Rojhilata Navîn bandor dikeye. Ev hêzek ya guherîn û veguherîna civakêye. Dema ku ez li van hemûyan dinêrim di nava HDP'ê de bûyîn ji bo min cihê şanaziyê û rometê ye."

'Emê Rojhilata Navîn biguherin'

Gulseren anî ziman ku tekoşîna jinê tekoşînek gerduniye û wiha berdewam kir: "Di aliyê roja linan di Rojhilata Navîn de, tekoşîna jinê ya gerdunî dibe û avakirina jiyana nû de weke jinek çî ji destê min bê ezê bikim. Li tevahiya gerdunê tayîbetî jî di Rojhilata Navîn de li hember şidet û cînayetên jinan tekoşîna herî biromet rêxistin kirin û avakirina jiyana nû ye. Heya niha komara demokratîk û netewa demokratîk nebûye. Ji ber wê jî 'jiyana nû' ji bo jinan perspektîfa bingeha jiyanek nûye."

Gulseren bilêv kir ku YPJ hêza mizgîniya şiyarbûna jinên ji dîroka Mezopotamya ya qedîm tên e û wiha domand: "Zayîna ji nava koletiya bi hezarî salane. Di vê oxirê de jinên ciwan şerek mezin kirine, azadiya xwe û giyana xwe ya pak û bedew cardin avakirin. Em vê herî baş di giyana YPJ'ê de dibînin. Jina ku bi salan hatî windakirin û dinava hêza koletiyê de windabûyî êdî wê ser xwe avêtine. Bi salane ez li Dîlikê dijîm, cara yekeme ez ewqas jinan bi hêvî dibînim. Di vê hêviyê de paya YPJ'ê gelek mezine."

'Li Dîlokê ji bo jinan cîh nîne'

Gulseren pirsgirêkên Dîlokê jî wiha anî ziman: "Divê guherîna civakî çêbibe. Ji bo wê jî divê em lezê bidin xebatên xwe yên rêxistin û hişmendîkirinê. Her wiha yek ji navendên herî zêde cînayetên jinan têde çêdibin jî Dîloke. Divê li gorî tayîbetiyên bajêr polîtîkaya bajêr bê honandin. Em namzetên ked û dengê jinên vî bajarî birina meclisêne."

Guleren Kocaer kiye?

Gulseren ya ku li Dîlokê di 3'emîn sira Namzetiya Parlementeriya HDP'ê de 45 saliye, li bajaroka Kurecik ya navçeya Akçadag ya Meletyayê hatiye dinê. Gulseren ya ku di temenê biçuk de li gel malbata xwe koçî Dîlokê kiriye dibistana seretayî, navîn û amadeyî li heman bajarî xwendiye. Gulseren ji Beşa Înşaat Teknikê ya Zanîngeha Trakya yê mezunbûye. Ji salên xwe yên dibistanê heya niha di nava polîtîkayê de kardike. Gulseren ya ku demdirêj di sektorên tayîbet de xebitiye berî niha ji karê xwe îstifa kiriye û di nava HDP'ê de dest bi kar kiriye. Beriya namzetiyê di nava Desteya Disiplînê ya HDP'ê de cîhdigirt. Gulseren zewiciye û dayîka 2 zarokane.

(zt)