Şehriban Aslan/JINHA

WAN - Hameleya "Xwedî derkeve" ya ji aliyê Meclisa Ciwanên DBP'ê ve bi duruşma "Li ax, av, enerjî, xweza, nasname û pêşeroja xwe xwedî derkeve" hatî despêkirin li Wanê jinên ciwan pêşengiyê dikin. Aylin Çelik diyar kir ku divê jinên ciwan rolê pêşengiyê bigirin û got: "Ji bo ku em li pêşeroja xwe xwedî derkevin divê em rolê pêşengiyê bigirin."

Hameleya "Xwedî derkeve" ya ji aliyê Meclisa Ciwanên DBP'ê ve bi duruşma "Li ax, av, enerjî, xweza, nasname û pêşeroja xwe xwedî derkeve" hatî despêkirin berdewam dike. Ji ciwanên Wanê banga xwedîderketinê li ciwanan kirin. Ciwanên Wanê dan zanîn ku tayîbetî jî di pêvajoya hilbijartinan de rolek giring dikeve ser milê ciwanan û banga xwedîderketina li sindoqan li her kesê kirin. Li bajêr tayîbetî jî jinên ciwan eleqeyek mezin nîşanî kampanyayê didin. Leyla Avci destnîşan kir ku wan bi hamleya 'Xwedî derkeve' standa hilbijartinan vekiriye û wiha domand: "Bi vê hamleyê me zêdetir hêz da pêvajoya hilbijartinan. Em weke xwendekarên zanîngehê daketin kolanan û me dest bi xwebatan kiriye. Bi hamleya 'Xwedî derkeve' em cardin daketin kolanan bi awayê li deng, sindoq û hilbijartinê xwedî derkeve em li malan digerin û xebatên xwe berdewam dikin."

'Em li pêşeroja xwe xwedî derdikevin'

Leyla wiha berdewam kir: "Em bi proja Serokatiyê ya 'Xwedî derkeve' ya li ax, av, di serî de li zimanê ku ev çil salin ji bo wî tekoşîn tê kirin û nasnama xwe xwedî derkevin daketin qadan. Di vê xalê de ji xwe ya dikeve ser milê jinan pir baş dizanin. Bersiva ciwan li qadan bidin Rêbertiyê pir nete. Bi vê hamlê re me xebatên xwe yên hilbijartinê zêdetir bi hêz kir. Em weke xwendekarên zanîngehan daketin qadan û me xebat meşand. Bi hamleya 'Xwedî derkeve' em cardin daketin kolanan bi awayê li deng, sindoq û hilbijartinê xwedî derkeve em li malan digerin û xebatên xwe berdewam dikin. Emê îsal gelek girêdayî sindoqan bixebitin. Heta roja hilbijartinê emê xebatên xwe bidomînin. Emê desturê nedin ti deng bên dizîn. Dê diz ya dixwazin bikin, lê emê jî tedbîrên xwe bigirin."

'Em li qadan benda jinanin'

Aylin Çelik jî balkişand ser rola pêşengiyê ya jinan û wiha axivî: "Ji bo ku weke jin em li çand û zimanê xwe xwedî derkevin em bi nasnama xwe ya jinbûnê li qadanin. Serkeftina ku bê bidestxistin ya her kesê ye. Ji bo xwedî derketina li dengê ciwanan, sindoqan, xwedîderketina li xwe, partiya xwe û Rêbertiya xwe em li qadan li benda herkesêne."

'Li hember qirkirinên jinan...'

Şilan Soylemez jî bilêv kir ku ew xwedîderketina jinan ya li hamleyê giring dibînin û wiha domand: "Di meha nîsanê de bi qasî 22 jin hatin qetilkirin. Ji ber wê jî divê ciwan bên bi hişmendîkirin. Em li qadan benda jinanin û wan vedixwînin qadên bihişmendîkirinê. Banga min ji bo ciwanan û tayîbetî jî jinên ciwan her roja diçe qirkirinên jinan zêde dibe ji bo pêşîlêgirtinê divê hamleya 'Xwedî derkeve' bê bihêz kirin û ciwan baş lê xwedî derkevin."

'Emê zanîngehên xwe bi pêşerojek azad rêvebibin'

Xwendekarê zanîngehê Huseyîn Biçer jî wiha axivî: "Armanca me ewe ku em li nava taxan desturê nedin karên fihuş û hişberiyê. Em hewildidin li her qadê rêxistinê bihêz bikin. Divê em li xweza, tax û malbatên xwe xwedî derkevin. Emê zanîngehê bi pêşerojek azad rêvebibin. Em ciwanên kurd hewil didin naveroka hamleya 'Xwedî derkeve' ya ji aliyê rêxistina me ve hatî despêkirin li her derê bi ciwanan re rêvebibin, li taxan û zanîngehan bi naverokek dagirtî bidin nasîn. Divê li hember qirkirinên AKP li Kurdistanê bi HES û bendavan didin kirin bi giyana serhildanê em li hember derkevin. Em weke ciwan pêşengê vê hamlêne. Emê weke ciwan li hember polîtîkaya AKP'ê marê xwe yê demokratîk bixebitînin û derkevin pêş."

(zt)