Fîlîz Zeyrek/JINHA

EDENE - Namzeta HDP'ê ya Edenê Ferîde Peynîrcî, da zanîn ku bêyî tu gel nasnameyê xwe veşêre dikare di nav HDP'ê de cihê xwe bigre û wiha got: "Bi salane em bi destê xwe, xwe asîmle dikin. Ji bo ku zarokên me bi tirkî baş bipeyivin me zimanê dayikê hînê wan nekir. Aleviyên Ereb-Nusayri bi HDP'ê re qadê têkoşînê li hember vê hişmendiyê da avakirin. Ji ber vê yekê pêwîste em xwedî li vê mîrasê derbikevin."

Her ku roj diçe ji hilbijartina giştî ya 7'ê Hezîranê re kêm dimîne. Namzeta HDP'ê ya Edenê Ferîde Peynîrcî ku bi nasnemya Aleviyên-Ereb Nusrayî cihê xwe digre, asta nûnertiya gelê Tirkiyê ya di nava Meclisê de nirxand. Ferîde destnîşna kir ku, gelek wekîl hene xwedî nasnameyên cudane û di nava Meclîsê de cih digrin, lê di warê nûnertiya gelê xwe kirin dûrin. Ferîde her wiha da zanîn ku, partiya ku hemû netewan di nava xwede hildigre HDP'ê ye û cihek girîng diğere. Ez di her civînê de tînim ziman ku ez namzeta HDP'ê ya Nusrayî û Alevîme. Armanca min a hilbijartina HDP'ê sedema wê ya herî sereke ewe ku her tişt bi pêşengtî û feraseta jin tê kirin. Ez di wê bawariyê deme ku tenê partiya HDP'ê dikare li hember qatilam, tacîz û tecevûza jinan ya li tirkiyê û cîhanê bibe hêza çareseriyê û lêgerîna mafê û zagonên jin hem di warê parastinê de hem jî di warê pêkanînê de dê pêşengiyê bike. Ji ber min bi vê hêza HDP'ê bawar kir min cihê xwe di nava namzetên HDP'ê de girt.

'Me di çavên xwede mêr mezin kiriye'

Ferîda destnîşan kir ku çawan li cîhanê pergala desthilatariyê bi jinê ve hatiye pejrandin jinên Alevî yên Ereb-Nusayrî jî bune perçeyek vê yekê û wiha got: "Em wek jinên Aleviyên Ereb bêy ku em pergala desthilatdariyê mêr lêpirsîn bikin me qebûl kiriye. Ne tenê em hemû jin buye qurbanê pergala desthilatdariya mêr. Me di çavên xwede mêr mezin kiriye. Çawan mirov bi olê perestinê dike jin jî, ji bo mêr perestinê dike. Tam di vê xalê de ez HDP'ê weke derketinek bi hêz li hember vê pergalê dibînim."

'Pêwîste em xwe ji zimanê pişavtinê rizgar bikin'

Ferîde diyar kir ku, pêwîste Aleviyên Ereb-Nusayri dev ji wan hişmendiyên berê berdin û piştgiriyê bidin HDP'ê û wiha pêde çû: "Ji bona ku nêrînê Aleviyên Ereb-Nusayri li hember HDP'ê bê guhartin,ez HDP'ê bi wan didim nasîn. Mînak ez dibêjim ku partiya HDP'ê ne tenê partiya Kurdane, HDP'ê di nava xwe de hemû netew, ziman, ol û mezheban dihewîne, herkes û bi taybet jin dikare xwe têde bîne ziman, her wiha tenê partiya HDP'ê dikare mafê jin biparêze. Em nîqaşên derbarê ku jin pêwîste di nava siyasetê de cih bigre û xwe rihet bîne ziman de dimeşînin. Em wek gelê Aleviyên Ereb-Nusayri hatine pişavtin, bi temamî me dev ji zimanê xwe berdaye û ji pergalê re me serê xwe tawandiye. Ji bo ku zarokên me tirkiyek baş bipeyvin me zimanê dayikê bi wan neda hîn kirin. Ev hişmendî bi hêzbûye em hewildidin bi zimanê yên ku me didin pişavtin baxivin lê pêwîste em xwe ji vê rewşê rizgar bikin."

'Partiya HDP'ê dengê jina ye'

Ferîde bi lêvkir ku, gelek kes dibêjin 'HDP'e partiya Kurdane çi kare te nav wan de heye' ez jî dibêjim ku HDP'ê partiya hemû gelên ku li Tirkiyê dijî û partiya Erebane. Ferîde wiha dirêjî da gotinê xwe: "Kurd dostên me ya herî nêzin. Pêwîste em bi zanabûna ku Hiristiyan, Êzidî, Sûryanî û Ermenî bi tev hatine bin dest kirin û bi wê hişmendiyê yekîti avabikin. Ji bo jin ev yek hîn zêdetir girînege. Ez hêvî dikim ku jin min fambikin û piştgiriyê bidin."

'Partî tu car dengê me ne bihîstin'

Ferîde di dawiyê de bang li hemû jinên Alevî yên Ereb-Nusayri kir û wiha got: "Em wek Nusayrî hertim me xwe nêzî CHP'ê didît, lê belê tu car CHP me nedît û pirsgirêkên me çareser nekir. Heya niha CHP'ê çi demî û kîjan mafê me parast? Di jiyana xwe ya siyasetê de her me piştgirî da, lê êdî bese. Cihê me jinan tenê HDP'ê ye. Pêwîste hemû jinên alevî û aleviyên Ereb Nusayri piştgirî û dengê xwe bidin HDP'ê."

(rc)