JINHA

EDENE/İZMİR - Komisyona LGBTÎ ya HDK a İzmir ê li gel parlementeran li navçeya Torbali yê xebatên hilbijartinê birêve dibin. Însiyatîfa Jinên Edeneyê ya Hilbijartinê jî piştevaniya HDP'ê dikin.

Aktîvîstên Însiyatîfa Jinên Edeneyê ya Hilbijartinê ji bo deklarekirina piştevaniya HDP'ê li Meydana Beşocak ê daxuyanî dan çapemeniyê. Di daxuyaniyê de dovîzên weke "Ji bo dijminên jinan ji jinan deng nîne", "Ji jiyan û tekoşîna me veger nîne" û "Emê li Kobanê berxwdibin û bi berxwedanê mezin bibin" hatin rakirin. Namzeta HDP'ê Beyhan Gunyeli jî di navê de gelek jin beşdarî daxuyaniyê bûn. Di daxuyaniyê de dem dem duruşmên weke "Jin jiyan azadî", "Mêr lêdixe dewlet diparêze" û "Ji şideta ser jinan re na" hatin berzkirin. Fatoş Hacivelioglu polîtîkaya AKP'ê ya ser jinan 12 sal li peyî xwe hêlayî şermezar kir û diyar kir ku tenê partiya danezana jinan diyar kirî HDP ye, ji ber wê jî dê piştevaniya namzetên jin yên HDP'ê yên Edenyê bikin.


Xebatên Komisyona LGBTİ ya HDK'ê berdewam dike

Komisyona LGBTÎ ya HDK a İzmir ê li gel parlementeran li navçeya Torbali yê xebatên hilbijartinê birêve dibin. Endamên komisyonê li gel parlementerên HDP'ê esnaf, Şaxa Egitim Sen a Torbaliyê, Komela Piştevaniya Bitlis û Mûşê, Komeleya Agiriyan, Mala Cem û Çandê ya Şaredariya Totbaliyê jî di navê de gelek sazî dam û dezgayên sivîl ziyaret kirin. Endamê Komisyona LGBTÎ diyar kir ku ewê daxwazên xwe yên aştî, demokrasî û wekheviyê bi hilweşandina bendê û mizgîniya avakirina jiyana nû bi gihînin pêşerojê. Namzetên HDP'ê Muslum Dogan û Ertugrul Kurkçu jî anîn ziman ku dê siyasetek ya her kesê bigire nava xwe birêve bibin û dê bendê bi pêşengiya jin û ciwanan hilweşînin.

(zt)