JINHA

STENBOL - Bi Pêşengiya KJA yê 'Komxebata Azadiya Jinê ya di Pêvajoya Muzakere û Çarseriya Demokratîk de' di roja duyemîn de berdewam dike. Di xebatên atolyeyan de jin nêrînên xwe bi hev re par dikin û ji bo amadekirina encamnameyê xebatan berdewam dikin.

Bi pêşengiya Kongreya Jinên Azad (KJA) li Kampusa Dolapdere ya Zanîngeha Bîlgî, Komxebata Azadiya Jinê ya di Pêvajoya Muzakere û Çarseriya Demokratîk de, di roja duyemîn de berdewam dike. Di komxebatê de parlementerên HDP'ê Sabahat Tuncel, Pervîn Buldan, Selma Irmak, Endama KJA yê û Heyeta Îmraliyê Ceylan Bagriyanik, Endama Hewla Jinan ya Ji bo Aştiyê (BÎKG) Nukhet Sirman û Nazan Ustundag, Rojnameger û Nivîskar Kezban Hatemi, Ayşe Bohurler, Ayşe Hur, Ayşegul Devecioglu, Pinar Ogunç, Banu Guven, Mehveş Evin, Hunermend Julide Kural, Prof. Dr. Fatmagul Berktay, Parêzer Hulya Gulbahar, Eren Keskin, Parlementera CHP'ê ya Stenbolê Binnaz Toprak, Lêkolînvan û Nivîskar Zeynep Gambetti jî di navê de gelek akademisyen, parlementerên HDP'ê yên jin û feminist amadebûn.

Duh piştî axaftina vekirinê komxebatê bi atolyeyan berdewam kir. Jinan di 4 atolyeyên bisernavên “Pênasekirina pirsgirêka azadiya jinê” “Azadiya jinê di warê qanûnî û makeqanûnî de îfade kirin” “Bi awayeke rêxistinkirî û wekhev nêzîkî sîstemê bûn” û “Di malê de pirsgirêka jinê ya azadî û wekheviyê” nirxandin hatin kirin. Dê îro jî her atolye di nava xwe de encamnameya xwe amadebikin û paşê jî ancamên atolyeyan bên nirxandin. Dê rê û rêbazên makanîzmeyan bên nirxandin. Dê di dawiya rojê de jî encamnama hatî amadekirin bi raya giştî re bê parkirin.

Dê di navbera nîvro de jî belgesel filîma ya Dur e ya ku Leyla Toprak li Kobanê kêşayî bê temaşekirin û paşê jî performansa dansê bê pêşandan.

(zt)