JINHA

DIRBÊSIYÊ - Ji aliyê Rêxistina Yekîtiya Star ya bajarê Dirbêsiyê ve bi boneya şermezarkirina helwesta Rejîma Îranê û piştevaniya gelê Mihabadê daxuyanî hat dayîna çapemeniyê.

Bi armanca şermezarkirina kiryarên Rêjîma Îranê li hember jinên kurd Şaxa Dirbêsiyê a Rêxistina Yeketiya Star daxuyaniyek dan çapemeniyê. Di daxuyaniya li ber navenda Çand û Hunerê ya bajarê Dirbêsiyê yê Kantona Cizîrê hat dayîn de jinên ciwan, Desteya Jinan, endamên Rêxistina Yekîtiya Star jî di navê de gelek jin amadebûn. Di daxuyaniyê de wiha hat gotin: ''Beriya çend rojan li bajarê Mihabatê yê Rojhilatê Kurdistanê jineke kurd rastî destwerdana endamê istixbaratên Îranê hat û ji bo ku nekeve destê qirêj xwe ji qatê 4'an avêt xwarê û jiyana xwe ji dest da. Em wek jinên Rojavayê Kurdistanê jina kurd Ferînaz Xosrewanî ya ku ji aliyê nûnerên zihniyeta faşîzmê û tecawizkar dewleta Îranê em şermezar û nalet dikin."

Daxuyanî wiha berdewam dike: "Weke tê zanîn dîroka rêjîma Îranê bi sûcên giran ên dij mirovahiyê dagirtiye ji qetilkirin, îşkence û darvekirin ev ne cara yekemîn. Jina kurd Şêrîn Elmeholî jî bi heman şêweyî ji ber ku ji zihniyeta tecawizkar a Îranê re serî netewand di 9'ê Gulana sala 2010'an ji aliyê rêjîma Îranê ve hate darde kirin. Hevala me Zeyneb Celaliyan ya ku ji ber îskenca Rejîma Îranê di girtigehê de ronahiya çavên xwe winda kir û jiyana wê di xetereyê de ne. Em dibêjin bila dewleta Îranê bizanibe ku jinên kurd ên Rojhilatê Kurdistanê tu carî ji wê zihniyeta wan re serî natewînin û ne bi tenê ne jinên Rojava bi nasnemeya YPJ û Yeketiya Star wê li hember vê zihniyetê bisekinin. Çawa li Rojava hember dijminê mirovahiyê DAIŞ'ê şerek dîrokî dan meşandin. Em Yeketiya Star û jinên ciwan jî di xeta felsefeya jiyana azad de û xweparastinê de ne û weke çawa Şîlanan û Zîlanan li hember zihniyeta dewletan sekinîn em jî di riya wan de li hember zihniyeta dewleta Îranê disekinin û emê bisekinin.

Em ji malbata Ferînaz Xosrewanî re sersaxiyê dixwazin û em soz didin ku emê ji bo bidestxistina mafê jina kurd û hemû jinan her tekoşîna xwe bilintir bikin.''

Daxuyaniyê bi berzkirina durişmeyên "Jin jiyan azadî", "Berxwedana jina Rojhilat berxwedana jina Rojava ye" bi dawî bû.

(şe/zt)