JINHA

ŞIRNEX - Cenazeyê Şervana YPJ'ê Salîha Tanrikulu (Savuşka Spêrtî) ya ku li Serêkaniyê di şerê li dijî çeteyên DAIŞ'ê de jiyana xwe ji dest da li Sîlopiyê ji aliyê zêdehî deh hezaran kesan ve hate definkirin.

Cenazeyê Şervana YPJ'ê Salîha Tanrikulu (Savuşka Spêrtî) ya ku mehek berê li Serêkaniyê di operasyona li hemberî çeteyên DAIŞ'ê de birîndar bû û li Nexweşxaneya Rizgarî ya Hewlêrê jiyana xwe ji dest da li navçeya Sîlopiyê ya Şirnexê bi tevlîbûna deh hezaran kesan bi merasîmekî hate definkirin. Cenazeyê Şervana YPJ'ê Savuşka ji aiyê malbat û MEYA-DER'ê ve li Nexweşxaneya Rizgarî ya Hewlêr hate wergirtin û ji bo otopsiyê birin Saziya Tipa Edlî ya Amedê. Pişt karên otopiyê cenazeyê Savuşka ber bi Şirnexê ve derxistin rê. Cenazeyê Savuşka li herêma Nerduş bi girseyî hate pêşwazîkirin. Di pêşwazîkirinê de dirûşmeyên "Şehîd namirin" û "Ey şehîd xwîna te li erdê namîne" hatin berzkirin û pişt re ber bi Sîlopiyê ve birin û li ber Mizgefta Şehîdan a taxa Cûdî hate pêşwazîkirin. Darbesta Savuşka ya bi ala YPJ'ê hatî pêçandin ji aliyê jinan ve hate wergirtin û ji bo vecîbeyên olî bibirin mizgeftê.

Hevalên wê destê wê hena kirin

Piştî wecîbeyên olî destên Şervana YPJ'ê Savuşka ji aliyê hevalên wê ve hate henekirin. Darbesta Savuşka careke din ji aliyê jinan ve hate wergirtin û li ser milina berbi goristinê ve birin. Di meşê de posterên Rêberê PKK'ê Abdullah Ocalan, pêşengên PKK'ê, Şervana YPJ'ê Savuşka hatin vekirin. Piştî meşê darbest Şavuşka li goristanê bi gulan hate definkirin.

'Emê li peyî şopa wan bin'

Piştî karên definkirinê rêzgirtin pêk hat û Hevserokê Şaxa MEYA-DER'ê Mela Kasim Yîgît axivî û sersalî li malbat û gelê Kurdistanê da û wiha got: "Berxwedan û têkoşîna ciwanên Kurdistanê ya li Rojava ji hemû cîhanê re bû sîmeya yekîtî û yekbûnê. Şehîdên me li çar parçeyên Kurdistanê bi têkoşîna xwe yekîtî û yekbûyîn emanetî me kirin. Em jî dê heya dawiyê xwedî li vê emanetê derbikevin."

'Ciwanên me nirxên me yên herî mezin in'

Namzeta HDP'ê ya Şirenxê Leyla Bîrlîk jî hemû şehîdên şoreşê bîranîn û wiha got: "Ciwanên ji bo azadî û jiyanekî bi rûmet canê xwe fida kirin nirxên me yên herî mezin in." Leyla berxwedana piştî êrîşa zayendî ya li hemberî Ferînaz Xosrawanî ya Mahabadê jî silav kir û diyar kir ku êrîşa li hemberî Ferînaz li hemberî hemû gelê kurd û Kurdistanê pêk hatiye û wiha axivî: "Rejîma Îranê dê bi tirsa tîlîliyan Arîn, Viyan û Bêrîtanan bixeniqe."


Dayîka Şervana YPJ'ê Savuşka Naze Tanrikulu jî got di serî de serê Rêberê PKK'ê Abdullah Ocalan û hemû gelê kurd sax be.

Piştî axaftinan girse çû taxa Kobanê û konê sersaxiyê ziyaret kir.

(ma/zt)