JINHA

GIRKÊLIGÊ - Bi armanca şermezarkirina êrîşan hêzên teybet ên rejîma Îranê ya li hemberî jina kurd Ferînaz Xosrewan, Yekitiya Star li bajarê Girkêlegê daxuyanî da.

Li bajarê Girkêlegê ê Kantona Cizîra Rojava, bi armanca şermezar kirina êrîşên hêzên teybet ên rêjîma Îranê ya li hemberî jina kurd Ferînaz Xosrewan Yekîtiya Star daxuyanî da. Daxuyaniya ku ji aliyê Endama Yekîtiya Star Şehnaz Mihemed ve li ber Navenda Akedemiya Zanista Jin ya li bajarê Girkêlegê hat xwendin de gelek jin amadebûn.

Şehnaz ji demboriyê heya niha dijminya jinan ya Rejîma Îranê bibîr xist û wiha domand: "Di kesayeta Şêrîn Elmolî de asta berxwedaniya gelê Kurd diyar kir û derket holê. Şêrîn Elmolî bi sekn û berxwedana xwe ya li hember rêjîma Îranê rûmet û hebûna berxwedana jin da jiyandin. Li hember paşverotiyê û koletiyê dewletên desthilatdar têkoşîna bi rûmet da nîşandan. Ji ber dewleta Îranê ji hêza jina Kurd bi tirse, ewqas êrîşê jina kurd dike û darve dike. Lê bila dewleta Îranê xwe nexapîne ku têkoşîna Şêrînan bi dawî buye. Di kesayeta Ferînaz Xosrewanî cardin berxwedana jin li hember destavêtinê şînbû. Farînaz ji bo ku xwe li hember hêzên taybet ên rejîma Îranê biparêze, xwe ji qata çaran avêt û dawî li jiyana xwe anî. Ferînaz bi vê helwesta xwe carek din berxwedana jina kurd ya li hember paşvarotî û pergala desthilatiya mêr da diyar kirin. Ev têkoşîna azadiyê ye û ji hemû jin û gelê cîhanê re bu mînak."

'Pêwîste tewanbar bê ceza kirin'

Şehnaz anî ziman ku dê weke jinên Rojava piştevaniya jinên Rojhilat bikin, ji ber tekoşîn yeke û ti rejîm nikare wan cuda bike û wiha berdewam kir: "Em wek Jinên Yekîtiya Star piştgiriya berxwedana jina ciwan Ferînaz û tevahî berxwedana gelê Rojhilat dikin. Em daxwez ji Saziyê Mafê Mirovan dikin ku kesê tewambar bê cezakirin. Ev êrîş ne tenê li ser kesayeta Ferînaz pêkhatiye ev êrîşek bi zanistî li hember hemû jin pêkhatiye. Dê berxwedaniya me û têkoşîna me bilind bibe. Di keseyata Şêrîn û Ferînazan de em wek Jinên Yekîtiya Star soza bilind kirina têkoşîn û berxwedanê didin."

Daxuyani bi durişma "Jin jiyan azadî" ,"Berxwedana jinên Rojhilat berxwedana jinên Rojava ye" bi dawî bû.

(sx/rc)