JINHA

RIMÊLAN- Saziya Zimanê Kurdî a bajarê Rimêlan bi daxuyaniyekê kiryarên rêjîma Îranê ya li hemberê jina Kurd Farînaz Xosrewanî şermezar kir.

Saziya Zimanê Kurdî a bajoka Rimêlan ya Girigê Legê a Kantona Cizîra Rojava, bi armanca şermezar kirina hêzên taybet ên rêjîma Îranê ya li hember jina kurd Ferînaz Xosrewanî daxuyanî da. Di daxuyaniya Saziya Zimanê kurdî de wiha hat gotin: "Jin di civaka kurd de bi berxwedanî û lehengiya xwe li hember desthilatiya mêr û pergalê têkoşîn da. Jina Kurd li her derî bi sekna xwe ya bi îrade, li hember zor û zordariya mêr serî hilda. Bi taybet di kesatên şervanên YPJ'ê de li Kobanê li hember çeteyên DAİŞ'ê bê navber berxwedan û serî hildanê wan didome. Tu jin wê zordariya pergalê nepjrîne. Çawan ku di dîrokê de heya niha jina Kurd li ber xwe da Ferînaz Xesreanî jî li hember kiryarên hêzên taybet ên rêjîma Îranê xwe ji hotêlê avêt û li berxweda."

'Emê xwedî li berxwedanê jinan derbikevin'

Daxuyaniyê wiha berdewam kir: "Em wek jinên Saziyê Zimanê Kurdî kiryarê rêjîma Îranê Şermezar dikin. Zordariya pergala desthilatdar ya ku dixwezin kiryarên xwe li ser jinê bidin ferz kirin emê nepejrînin. Jin bi berxwedaniya xwe diroka civakê dinivîse, emê xwedî li berxwedana jinan û berxwedana Ferînaz Xesrwanî derbikevin."

(sx/rc)