Bêrîtan Elyakut/JINHA

AMED - Li Amedê û gelek bajarên Tirkiyê bi pêşengiya Jinên Ciwan yên DBP'ê di 14'ê Gulanê de bi durişmeya, "Ferînaz nasnameya jinê ye, li nasnameya xwe xwedî derkeve" dê meşên bi erbane werin li darxistin. Jina ciwan Canan Ceylan bang li hemû jinan kir ku tevlî meşa parastinê bibin û wiha got: "Mirov nikare çanda tecevûz, tacîz û xistinê ji dewletê dur bigre dest, emê her tim li hember dewleta tecevuzkar li kolanan bin."

Bi pêşengiya Meclîsa Jinên Ciwan a DBP'ê ji bo Ferînaz Xosrewanî a ku li hember tecevuza rejîma Îranê serê xwe hildaye, dê li gelek bajarên Tirkiyê meşên bi erbane werin li darxistin. Meşa Jinên ciwan yên Amedê ya erbaneyan a ku bi durişmeya, "Ferînaz nasnameya jine, li nasnameya xwe xwedî derbikeve" wê di 14'ê gulanê roja pêncşemê di saet 18.00' de li ber Meclîsa Jin ê Surê were li darxistin. Derbarê çalakiyê de Endama Meclîsa Jinên Ciwan ya DBP'ê Canan Ceylan agahî da. Canan destnîşan kir ku, êrîşa pergala desthilatariya mêr ya li ser jin her ku diçe zêdetir dibe û wiha got: "Dewleta desthilatdar bi riya ewlekariya xwe, weşanê xwe, zagonên xwe û bi dadgeha xwe bi awayek sistematik êrîşê jin dike. Li dewleta Îranê jî her roj bi destê mêr êrîşên tacîz û tecevuzê li ser jin pêktên. Hêza rêjîma Îranê li hember buyerên tacîzê bê deng bimîne jî emê wek jin li hember vê kiryarê bê deng neminin."

'Ferînaz li berxwedana kurdan ya dîrokî xwedî derket'

Canan diyar kir ku, hişmendiyên paşvaro yên ku jin wek hêz nabînin, derketina jin ya derve weke guneh ango suç hesap dikin û li hember her tevgerek jin êrîş pêkanîn êdî ewê neyê pejrandin. Canan wiha dom kir: "Ferînaz vejîna xeta parastina cewherî di kesayetê xwe de cardin derxist holê. Bi helwesta xwe li berxwedana kurdan ya dîrokî xwedî derket. Berxwedana jinên kurd, li Kobanê ya Rojava derket pêş bi Ferînaz Xosrewanî li Rojhilatê Kurdistanê dom kir."

'Pêwîste hemû jinên ciwan helwesta xwe bidin raber kirin'

Canan got: "Ji bo me êrîşên hovene ya ku li ser gelê me ya Şengal û Kobanê pêkhati ferqa wê ji êrîşên Mahabadê û Merîwanê tüneye. Rejîma Îranê piştî berxwedana jina Kurd Ferînaz Xosrawanî û îsyana gel deşîfre bu." Canan bang li hemû jinên ciwan kir ku xwedî li berxwedana Ferînazê derbikevin û li hember vê buyerê bê deng nemînin û ji bo ku helwestên xwe diyar bikin pêwîste li qadan bin.

'Li hember dewletên tecevuzkar dê têkoşîna me bidome'

Canan her wiha bi lêvkir ku, 'Hişmendiya dewletê, hişmendiyê mêre' Ferînaz bi têkoşîna xwe li hember êrîşa tecevuzê li berxweda. Canan destnîşan kir ku, her jinek mafê wê ya rewaye ku li hember her êrîşê pêk bê parastina xwe bike. Canan wiha dawî li gotina xwe anî: "Di kesayeta jina kurd û jinên cîhanê de em dibêjin heya ku azadî çêbe dê têkoşîna me bidome. Di berdewam kirina têkoşîna parastina cewherî de emê berxwedana xwe berdewam bikin.

(rc)