Ceren Karlıdağ/JINHA

İZMİR - Namzeta HDP'ê ya Îzmîrê Melike Ari balkişand ser polîtîkayên AKP'ê ya 12 salan ser berastengan û got: "AKP her diçe herêmên jiyanê li berastengan teng dike. Ez di nava HDP ya ku dixwaze bi berastengan re jiyana bê asteng avabike denim.

Namzetên HDP ya bi duruşma "Jiyana Nû" diçe meclisê lez dan xebatên xwe yên hilbijartinê. Namzeta HDP'ê ya Îzmîrê Melike Ari ku qezaya tirafîqê de aliyê wê yê çepê nagire polîtîkayên AKP'ê yên 12 salin ser berastengan nirxand. Melike diyar kir ku AKP ji bo welatiyên berasteng tiştek nekiriye û wiha domand: "Ji bo bi berastengan re jiyanek bê asetng jiyan kirinê ez di nava HDP'ê deme."


Melike da zanîn ku pirsgirêka herî mezin ya berastengan kêmkirina muçeyê wane û ev jî pir tê kirin. Ji bo berasteng 793 lîran bigire li gorî Qanuna Xizmetên Civakî dibê 2828 lîra jî ji bo kesên di malê de li wan dinêre be. Melike pirsgirêkên berastengan yên nava civakê de jî bibîrxist û wiha berdewam kir: "Mînak rêyên me jî bi astengîne. Tayîbetî jî hevalên me yên ser erebeyên destan digerin, di wan rêyan de gelek zoriyan dikêşin. Divê di navendên perwerdê de ji bo zarokên berasteng burs bên dayîn. AKP mijara berastengan pir xebitand. Li gorî madeya 2222 yê muçeyê dide têra debara berastengan nake. Gelek berastengên dixwazin bizewicin nikarin bizewicin. Dikare ji bo wan mal bê dabînkirin lê AKP heya muçeyê wan jî kêm dike."

'Bi hatina AKP'ê re navendên jiyana berastengan teng bûye'

Melike bilêv kir ku AKP ji bo kêmkirina muçeyê berastengan li bihaneyê cuda digere û wiha dom kir: "Mafê berastengan yê despêkê heye. Jinên berasteng yên xwedî zarok nikarin zarokên xwe li cihekê danin. Ji bo berastengên temenmezin malek ya xwe têde xwedî bike nîne. Navendên jiyana berastengan teng dikin." Melike destnîşan kir ku gotinên AKP'ê yên "Me navendên jiyanê ji bo berastengan vekiriye" bi giştî nerastin û zêdetir navendên jiyana berastengan teng kirine.

'Dê alîkariya herî baş ji SGK'ê bê'

Melike sernava danezana HDP'ê ya ser berastengan jî wiha nirxand: "Ji bo jiyana nû ya berastengan danezanek gelek serkeftî weşandin. Ez hêvîdarim ku em vê bi ser bixin. Ev di aliyê jiyana nû ya civakî û berastengan de gelek giringe. Divê di zanîngehan de xarc ji xwendekarên berasteng neyê girtin. Dê alîkariya herî baş ji SGK'ê bê. Ji xwe weke ferdresyona berastengan teleba me jî eve."

'Ji bo me HDP navenda jiyana nû avadike'

Melike bang li berastengan kir û got: "Bila yên heya niha me jiyan kirî ji bo me hemûyan ders be. HDP ji bo me tevan navendên jiyana nû avadike. Divê em jî di bin banê HDP'ê de bicivin, hadê em hemû bi hev re."

Piştî gotûbêjên me yên li gel Melike yê me mikrofun dirêjî kolanê kir. Jina berasteng Songul Solgun ya 47 sali ya ku di sala 2000'an de ji ber qezayek trafîqê felc bûyî, ji wê demê heya niha ser ereba destan dijî. Songul anî ziman ku bi qezayê re jiyana wê ser û bin bûye, ew yekî bi tendirisbû lê niha mehtacî hinek dinê bûye. Songul bilêv kir ku ser vê muhtaciyê jî mirov gelek bê baldar nêzî wan dibin û got: "Kes naxwaze berastengên li Tirkiyê bibîne. Heta dema ku em hewildidin li otobusan siwar bibin, mirovên dinê didin ser me û hewildidin beriya me têkevin otobûsê. Di rêyan de jî bêyî ku hinek baldarbin ser me re derbas dibin."

'Divê yek ji me jî têkeve meclisê ku pirsgirêkên me jî bên zanîn'

Songul destnîşan kir ku herî zêde mirovên berasteng hewceyî heskirin û rêzgirtinê ne ew Namzeta HDP'ê ya Îzmîrê Melike Ari destek dike û wiha domand: "Ez hêvîdarim ku Melike bikeve meclisê. Ez difikirim ku dê Melike ji bo me tiştên baş bike. Mirovên bitendurist me tênagihe. Divê tiştên ji bo berastengan bên kirin ji parlementera berasteng bê pirsîn û li gora wê bê kirin. Divê asta jiyanê ser berastengan bê nîşandan."


(zt)