JINHA

AMED - Li Çermûgê ji bo keya û malbatên şehîdan xwarin hat dayin. Namzeta Parlementera HDP'ê ya Amedê Nursel Aydoğan axaftinek kin kir û da zanin ku gelên Tirkiyê êdî li benda hêviyek nû ye û ên ku vê pêk bîne HDP'ê ye. Nursel bal kişand ku AKP êdî ber bi hılweşindinê de diçe û got: "Divê gel li hêviya xwe xwedî derbikeve.''

Li navçeya Çermûgê a Amedê bi tevlîbûna Namzeta Parlamentera HDP'ê Nursel Aydogan, Hevserokê DBP'ê Ali Şimşek, rêveberên HDP û DBP'ê xwarin hate dayin. Nursel Aydoğan di axaftina xwe de bal kişand ser hilbijartinan û da zanin ku ji dîroka komara Tirkiyê'de tû carî gelan xwe bi rengê xwe îfade nekiriye û her tim rastî înkar û pişaftinê hatine, hatine qetilkirin. Nursel diyar kir k udi bin bana HDP'ê de hemû ol, nasname, bawerî cihê xwe digre û wiha berdewam kir:'' Ermenî, Alevî,Êzidî, Sûryanî, jin, ciwan hemû kes cara yekem dê di meclîsê de bi rengê xwe temsilyeta xwe pêk bîne. Êdi AKP ber bi hilweşandinê de diçe û hêvî nade tû kesî.''

'Divê her kes li hêviya xwe xwedî derbikevin'

Nursel anî ziman kû AKP 13 salê cotkaran, tûcaran, û hemû kedkaran di sinorên birçîbûnê de girtiye û muhtacî alîkariyê kiriye û got:'' 10 milyon insan bi bûhaya asgarî debara xwe dike û 13 milyon însan muhtacî alîkariya dewletê ya civakî hatiye kirin. Lê aboriya Tirkiyê her roj ber bi xirabbûyinê de diçe û pişti hilbijartina xeterebûyina qirîzek aborî heye.'' Nursel da zanin ku HDP hêviyek nû ye ji bo gelên Tirkiyê û axaftina xwe bi bangawaziya ku hemû kes li hêviya xwe xwedî derbikeve bi dawî kir.

Piştî axaftina Nursel Aydogan Hevserokê DBP'ê Alî Şimşek axivî û da zanîn ku tevgera Gelê Kurd di rojên dîrokî de derbas dibe û di Rojhilata Navîn de êdî sinor jî holê rabûye, ser xet, bin xet bê wate bûye. Alî axaftina xwe wiha berdewam kir:'' di pêvajoya Rojhilata Navîn ya îro de divê Kurd yekitiya xwe ava bike. Sed sal berê em ne bi rêxistin bûn ji ber vê mafê me yê axaftinê tune bû lê niha ev tişt guherî. Sefiraziya Kobanê mînaka herî girîng e. Divê di 7'ê Hezîranê de jî ev rûh derkeve holê. Lewre roja Kurd xwe bi rê ve bibe iro ye.''

Bername bi ziyareta malbatan berdewam kir.

(ch)