JINHA

ŞIRNEX - Li Cizîrê piştî Nîhat Kazanhan polîsan dîsa zarok hedef girtin. Ligel tu bûyerek tunebû jî polîsan ji wesayîtên zirxî bombeyên gazê û guleya plastîk avêtin zarokên dilîstin. Di encamê de zarokeke 8 salî ji çavê xwe bi giranî birîndar bû.

Bi nêzîkbûna hilbijartinan re li Kurdistanê provokasyonên AKP'ê didomin. AKP li metropolên Tirkiyeyê nijadperestan li hember HDP'ê sor dike û li Kurdistanê jî leşker û polîs zextan li gel dikin. Li navçeya Cizîr a Şirnexê ku her dem bi qetilkirina zarokan di rojevê dene. Van rojan doza Nîha Kazanhan yê ku bi guleya polîsan hatî qetilkirin dihat dîtin, îcar jî polîsan zarokek birîndar kirin. Li Taxa Yafesê ya Cizîrê, li qadeke vala ya derdora riya hawirdorê, polîsan bi wesayîtên zirxî bombeyên gazê û guleya plastî avêtin zarokên dilîstin. Polîsên ku bi wesayîtên zirxî li ser riya hawirdorê dewriye davêtin, ligel tu buyerek tunebû jî bombeyên gazê avêtin zarokên ku li qada vala dilîstin. Zarokan ji bo ji bombeyên gazê bandor negirin, bombeyan paşde avêtin. Polîsan guleyên plastîk teqandin û ji wan guleyan yek jê çavê zarokê 8 salî ya bi navê Muhammed Aydin hingavt. Welatiyan zarokê birîndar rakirin Nexweşxaneya Dewletê ya Cizîrê.

Rewşa zarokê ji çavê xwe birîndar bûyî giran e.

(ma/zt)