JINHA

RIMÊLAN - Li bajarê Rimêlan bi meresîmek Mala Zarokên Sêwî hat vekirin.

Bi pêşengiya Destaya jinan li bajarê Rimêlan ya Kantona Cizîra Rojava bi meresîmek Mala Zarokên Sêwî hat vekirin. Meresîma bi tevlîbûna Hevseroka Kantona Cizîrê Hediye Yusif, Seroka desteya Jin Emîne Omer û gelek welatî ve pêkhat.

Merasîm bi rêzgirtinê dest pê kir û piştre Hevseroka Kantona Cizîrê Hediye Yûsif axivî û got: "Em spasiya Desteya jinan dikin ku di vê dema zemet de gaveke wisa pîroz pêk anîne. Tevî hemû êrîşên çeteyan em xwe bi rêvedibin û em pêdiviyên civaka xwe dizanin û ji bo çareserkirina di nava lêgerîne de."

Piştî axaftinê, Seroka Desteya Jinan Emîne Umer axivî û got: "Em di pêvajoyek girîng re derbas dibin. Li aliyek şer li aliyê din hem em xebatên xwe ya rêxistinî pêktînin. Hemû cîhan balê wan li ser xebatên me ne û dişopînin.Tevî xwedîkirina zarokan di mal de baştire, lê ji ber di herêmê de zarokên sêwî û bê xwedî mane zêde bûne. Vekirina malek bi vî awayî dê pêdiviyên wan ên jiyanî hêsan bike û xebatên bi vî awayî pîroze. Em Desteya Jin û saziyên ku piştgirî dane vê xebatê spas dikin."

Her wiha Cîgira Seroka Desteya Jin Emel Gewriya jî axivî û got: "Li ser navê xwe û navê Desteya Jin ya Kantona Cizîrê em xêrhatinê li mêvanê xwe dikin û vekirina Mala Zarokên Sêwî pîroz dikin."

Her wiha piştî axaftinê Koma mûzîkê ya Berfa Çiya bi stranên xwe coş da meresîmê û stranên xwe pêşkêş kirin.


(sx/rc)