Perwîn Xelîl/JINHA

HESEKÊ - Li ser daxweziya welatiyên bajêra Hesekê, şervanên YPG/YPJ'ê operesyona tolhildana Şehîdên Newroza Hesekê dan despêkirin.

Li ser daxweza ewlehiyê a welatiyên bajêra Hesekê ya Kantona Cizîrê, şervanên YPG/YPJ'ê hemleya tolhildana Şehîdên Newroza Hesekê dan despêkirin. Operesyona ku ji 7'ê Gulanê ve hatiye despêkirin, heya niha 11'e gund, mezra û gelek gir ji destê çeteyan hatiye rizgar kirin. Derbarê hemleya tolhildanê de şervanên YPJ'ê nêrînê xwe anîn ser ziman.

Şervanê YPJ'ê Goksu armanca hemlê bi mere parkir û wiha got: "Li ser daxweza welatiyên herêmê me ev operesyon da despêkirin. Hemle ji 7'ê Gulanê ve despêkir û heya niha didome. Di vê hemlê de me gelek gundên li dora bajêr ji çeteyan paqij kir. Çeteyên DAIŞ'ê xwe li hember berxwedana şervanan negirt, ji ber vê yekê çete vekişîn û têkçûn."

'Şervanên YPJ'ê bi tevlîbûn û coşê xwe asta berxwedanê bilind dike'

Goksu di berdewamiya axaftina xwede behsa rola şervanên YPJ'ê kir û wiha dom kir: "Tevlîbûna şervanên YPJ'ê di her warî de coşek mezin dide hevalên derdorê xwe. Şervanên YPJ'ê bi tevlîbûn û coşa xwe asta berxwedanê bilind dike. Şervanên YPJ'ê pêşengtiya hemleya tolhildanê kir û bi coşa xwe serkeftin bidest xist."

'Li hember çeteyan coş û bewarî me dibe serkeftinê'

Li aliyê din, şervana YPJ'ê Dilda Cûdî nêrînê xwe li ser operesyona Tolhildana Şehîdên Newroza Hesekê wiha ravekir: "Di serî de ji bo ku em herêmên xwe ji çeteyan rizgar bikin, me hemleya xwe bi rizgarkirina Til Hemîs da despêkirin. Piştî ku me Til Hemîs rizgar kir. Li ser daxweziya welatiyên bajêr ya Hesekê, me hemleya xwe berfireh kir û hemleya bi navê Tolhildana Şehîdên Newrozê da despêkirin. Bi şev û roj li çeperan em li berxwedidin. Li hember çeteyan coş û bewarî me dibe serkeftinê."


(rc)