Perwîn Xelîl/JINHA

HESEKÊ - Li bajarê Hesekê piştî operesyona şervanên YPG/YPJ'e ya ku li gund û bajêr dabûn despêkirn û hat rizgar kirin, şêniyên bajêr kêfxweşya xwe anîn ziman.

Li bajarê Hesekê ya Kantona Cizîra Rojava, Yekîneyên Parastina Gel (YPG) û Yekîneya Parastina Jin (YPJ), li ser daxweza welatiyên bajarê Hesekê, hemleya Tolhildana Şehîdên Newroza Hesekê di 7'ê Gulanê de dabûn despêkirin. Piştî ku bajar û gund ji çeteyên DAIŞ'ê ve hatin rizgar kirin, welatiyên ku li gund jiyan dikin nêrînê xwe anîn ziman.

Dayika bi navê Fatma behsa hovîtî, talan û dagirkeriya çeteyan kir û wiha got: "Çete bi carek de her derê dagir kirin. Hemû mêrên gund li hev kom kirin û weke amûrek bi kartanî û bi mirinê tehdît dikir. Dest danî ser hemû tiştên me. Ji ber çeteyan me nedikarî em serê xwe derbixin derve. Piştî şervanên YPG/YPJ'ê gund ji çeteyan paqij kirin em gelek rihet bûn. Hebûna hêzên YPG/YPJ'ê gelek hêz dide me."

'Bi hatina şervanên YPG/YPJ'ê re ewlekariya jiyana me pêkhat: "

Jina ciwan ya bi navê Şêrîn kêfxweşiya xwe ya rizgar bûna gund anî ziman û wiha got: "Dema ku çeteyên DAIŞ'ê li gund bun, me piskolojiyek giran jiyan dikir. Lê piştî rizgar buna gund û bi hatina şervanên YPG/YPJ'ê re ewlekariya jiyana me pêkhat."

'Hêviya me bi şervanên YPJ'ê re bilind dibe'

Her wiha jinên gund Xanim û Şemsa jî bi lêv kirin ku, çeteyên DAIŞ'ê dema li gund, eger jinên li gund cilên reş nekin berxwe nikare ji mal derbikeve û her wiha dan zanîn ku, gelek car nexweş li gund çêdibûn ne dihêştin ku kes ji gund derbikeve. Şemsa û Xanim diyar kirin ku, ew bi saya şervanên YPG/YPJ'ê jiyana wan ketiye ewlehiyê û ew bi vî awayî bi aramî dijîn û bi lêvkirin ku dema ew şervanên YPJ'ê dibînin gelek bi hêz dibin û hêviya wan bilind dike

(rc)