JINHA

STENBOL - Hat zanîn ku dilê Fatma Tokmak yê ku 4 qepaxên wê îflas kirî kirêç girtiye. Fatma ya ku her roj 6 derziyan didane û bi wî awayî li jiyanê dimîne, divê li nexweşxanê bê tedawî kirin lê rêveberiya girtîgehê bi hincetên 'nikarin ewlehiyê bigirin' tenê heftê carekê destura çuna nexweşxanê dide.

Li gel bijîşkan rapora "nikare di girtîgehê de bimîne" daye jî lê Fatma Tokmak tahiliye nakin û wê gav bi gav dişînin mirinê. Giriya nexweş Fatma Tokmak ya ku li Tîpa L ya Girtîgeha Jinan a Bakirkoyê dimîne ji qepaxên dilê wê 4'an îflas kiriye. Herî dawî beriya çend rojan Fatma li Servîsa Kardiyoloji ya Nexweşxana Mehmet Akif Ersoy a Dewletê ji ber ku qepaxên dilê wê ne dixebitîn di dilê wê de du û nîv santim kireç hat tespîtkirin. Bijîşkan diyar kirin ku ji ber ne xebitîna qepaxên dilê wê, agirê dil kêm dibe û ji ber wê jî kireçlenme çêbûye. Fatma ya ku rojê 6 derziyan didane û wiha xwe li jiyanê digire her roj dêvê biçe nexweşxanê lê îdara girtîgehê bi hincetên "nikarin ewlehiyê bigirin" çuna wê ya nexweşxanê asteng dikin."

Di dilê wê de du û nîv santim kireçlenme çêbûye

Lawê Fatma Azad Tokmak dema çu hevdîtina diya xwe û vegeriya diyar kir ku her diçe rewşa diya wî giran dibe û got: "Niha di nava rojê de diya min 6 derziyan didane. Bijîşk didin nîşandan ku rîska jiyana diya min heye. Di dawiyê de dema ez çum hevdîtinê 2 û nîv cm kireçleme heye. Ji bo belavkirina kireçlemê jî her roj divê biçe nexweşxanê, lê şertên girtîgehê destura vê nade."

'Ser jiyana mirovan bazarê dikin'

Xwarziyê Fatma Ubeyt Çevik jî balkişand ser hebûna Rapora Tiba Edlî jî cardin girtina di girtîgehê de û wiha domand: "Rapora Tiba Edliya Stenbolê heya demekê bi hinceta windabûye nêzdbûn. Li gel di çapemeniyê de hatî rojevê jî raporek cuda didan nîşandan û weke ti pirsgirêk neyî nêz dibûn. Em naxwazin her dem bi deruniya mirinê re bijîn. Heya niha her dem weke bazarê nêzbîne. Ser jiyana mirovan bazarê û kiriyarên keyîfî dikin. Heger ew jî di heman rewşê debana gelo dê heman tişt kiribana? Nexweş her roj divê biçe nexweşxanê, hem nabin û hem jî şêweyê birina wan ya nexweşxanê bi xwe îskenceye. Em dixwazin xizmên me yên nexweş di nefesa xwe ya dawiyê de li gel mebin."

Xwarziyek din ya Fatma Vasfiye Aydin jî bang li Serokomar kir û got: "Heger hinek wijdanê we heye nexweşê me berdin. Zarokên we jî hene destê xwe danin ser wijdanê xwe. Ez ji bo hemû girtiyên nexweş dibêjim azadî."

Bang li wijdanan deke

Fatma di hefteya derbasbûyî de di hevdîtina li gel xizmên xwer re bang li wijdanan kir û got: "Bijîşk dibêjin 'Ji sedî 90 tu dê bimirê.' Girtîgeh jî dibêje 'Em nikarin ji 5 rojan zêdetir te di nexweşxanê de bihêlin.' Ez hatime rewşa tenê bi serê xwe nikarim jiyana xwe bi rêve bibim. Ev bêmafî nayê dîtin. Ez tenê ji bo xwe nabêjim bi dehan hevalên min yên bi min re di heman rewşê de û mirinek bi aramî dixwazin hene. Ji bo yên dibin dîwaran de dimînin bila wijdanê we bikevin nava tevgerê."

(zt)