JINHA

NAVENDA NÛÇEYAN - Ser navê dîlên PAJK'ê bi boneya êrîşên di kesayeta Ferînaz Xosrawanî de ser jinên Rojhilat tên kirin û berxwedan Ferînaz ya li hember dewleta Îranê Kajîn Perî daxuyaniyek da û wiha gotin: "Em weke dîlên PAJK'ê em vê êrîşa ser jinên kurd şermezar û lanet dikin. Emê giyana Ferînaza ku xwe radestî hişmendiya tecawîzkar nekiriye di tekoşîna xwe ya azadiyê de bidin jiyandin.

Ser navê dîlên PAJK'ê êrîşên rejîma Îranê yên di kesayeta Ferînaz Xosrawanî de ser jinên Rojhilat didin meşandin Kajîn Perî daxuyaniyek nivîskî da û helwesta dewleta Îranê şermezar kir. Kajîn Perî weke dîlên PAJK'ê helwesta xwe ya li hember tecawîzkarên di her fersetê de êrîşî jinan dikin û dixwazin jinan di bin pencên qirkirinê de bihêlin nîşanda û wiha domand: "Pênc hezar sale ku mêr û pergala bi hişmendiya nêrza êrîşeke domdar li ser jinê dimeşîne û dixwaze radest bigire. Bi radestgirtina jinê re dixwaze hemû nirxê ku di kesayeta jinê de civakê afirandine gasp bike. Lê li gel wan hemû êrîşan jî ev pênc hezar sale jin bi şêweyên cud cuda li ber xwe didin. Tevî şikestinên zayendiyên di dîrokê de jî jinan dev ji berxwedanê neberdaye. Li hember vê jin hatine şewitandin, darvekirin û avêtine girtîgehan."

'Ev êrîş êrîşên deshilatiya nêrzaye'

Daxuyaniya Kajîn Perî wiha berdewam dike: "Li Kurdistanê jina ku avakara nirxê neolotîkê ye bi şêweyê xwe yê resen yan xwe ji bilindiyan avêtine, yan jî xwe kirine bombe û teqandine. Li Dêresimê Besê û Zarifeyan, li Xerzanê Rindîxanan, li başur Bêrîtanan, li bakur Zîlanan, li Rojava Arînan û îro jî li Rojhilat Ferînazan an go şewqa nazenînan. Ev êrîş di rastiyê de êrîşa serdestiya nêrzaya ser gelê kurd û tayîbetî jî ser jinên kurdên nazenînin. Hişmendiya nêrza ya tecawîzkar, nirx û çanda gelê Îranê bi maskeyan dejener dike û binpê dike. Gelê kurd û tayîbetî jî jina kurd ru bi ruyê zilma herî tund hatiye.

Êdî ne gelê kurd û ne jî gelên dinê yên li Îranê dijîn tehmûlî zilma heyî nakin û bêmafiya heyî na pejirînin. Ferînaz radestî êrîşên tecawîzkar nebû û mirinek bi rumet tercîh kir. Îro sembola berxwedana jinên kurd û hemû gelên Îranê ye. Divê jinên kurd yên li çar aliyê cîhanê û tayîbetî jî hemû jinên Îranê li Ferînaz û giyana wê ya berxwedêr xwedî derkeve. Ji her aliyî ve tecawîzkar dewleta Îranê bi xwe ye.

Weke dîlên PAJK'ê em vê êrîşa ser jinên kurd şermezar û lanet dikin. Emê giyana Ferînaza ku xwe radestî hişmendiya tecawîzkar nekiriye di tekoşîna xwe ya azadiyê de bidin jiyandin."

(zt)