JINHA

QAMİŞLO - Li Qamişlo dibistana zarokan ya Cîhanî bi dawî hat. Di dema dayîna karneyan de ji bo zarokan şahiyek hat amede kirin.

Perwerdeya Dibistana Zarokan ya Cîhanî ya bajarê Qamişlo yê Kantona Cizîrê a Rojava ku bi pêşengtiya Weqfa Jin hatibû despêkirin bi dawî bû. Bi dawîbûna perwerdeya dibistanê re, ji zarokan re karne hat dayîn û bi amedekariya Weqfa Jin li taxa Hilêliyê şahiyek hat li darxistin. Di şahiyê de Mamoste Perwîn Ahmet axivî û diyar kir ku, ewê havînê jî rojê saetek wane bidin zarokan. Perwîn da zanîn ku, vebûna dibistana ji bo zarokan gelek bi sûde û wiha dom kir: "Me ji bo zarokên ku temenê wan di navbera 3 û 7 xebatên kom ya perwerdê da despêkirin. Ji bo ku meraq û hişyarbûna zarokan pêşbikeve em rêbazên cuda li dardixin. Armanca me ji van perwerdehiyan pêşerojek baş amede kirine."

Di dawî de Perwîn da zanîn ku ewê di mehên havînê de jî, waneyên ziman, mûzîk û werzîşê bidin zarokan.

(rc)