Sarya Gözüoğlu / JINHA

AMED - Endama Desteya Rêveberiya Akademiya Jinan a Amedê Necla Koroglu hemû jin vexwend atolyeya jinolojiyê û got: "Heya jin azad nebe civak azad nabe. Ji ber wê jî em çiqas bi hev rebin û bi hevre tekoşînê bilind bikin, emê ewqas serkeftîbin."

Jineolojî zanîna ji nû ve jîndarkirina dîrok û jiyana hatî windakirine. Jineolojî zanîna ji bo dîtina keda jinê, pirsgirêkên jinan yên hem di warê hilberînê û hem jî di hemû warên civakî de derxistina holê û bi şêweyê çareseriyê nêzbûnêye. Ji sala 2013'an heya niha Atolyeyên Jineolojiyê yên Akademiya Jinan ser mijarên weke çewisandina pênc hezar sal ser jinan tê meşandin pejirandina wê, di aliyê derunî, civaknasî û dîrokê de nirxandin kirin, herwiha mitoloji, felsefe, ol jî digire dest qurnaziyên hatîn jiyîn derdixe pêş. Akademiya Jinan a Amedê hewildide xwe bigihîne jinan û perwerda jineolojiyê bide hemû jinan. Jineolojî hewildide xwe bigihîne hemû jinan hemû jinan vebêje û ewqas jî hewildide jinan jiyanî bike.

'Weke têgeh jineolojî rêbazek ya lêgerînê ye'

Endama Desteya Rêveberiya Akademiya Jinan a Amedê Necla Koroglu ya ku di atolyeyên jineolojiyê de cîh digire wiha axivî: "Armanca xebatên atolyeyan; di vê rêbaza lêkolînê de ji nû ve naskirina jinêye. Rêwîtiyek jinan a di rêwîtiya dîrokê de xwenaskirine. Di vê rêwîtiyê de ji bo ku dîroka jinê ji nû ve bê nivîsîn, divê navendên tayîbet bên avakirin û bi xwe zanîna xwe hilberîne. Di vî warî de berpirsyariya herî mezin dikeve ser milê akademiyan. Akademiya jinan jî weke yek ji van navendan derdikeve pêşberî me. Bi vê hişmendiyê me dest bi xebatên xwe yên atolyeyan kiriye."

Necla destnîşan kir ku dê atolyeyên wan roja duşem, pêşem û înê hebin û wiha domand: "Di xebatên me yên akademiyê de ji her derdorên weke akademisyen, mimar, endezyar û ji gelek kesimên di navendên jiyanê yên cuda de cîh digirin hene. Em weke jin dibêjin pirsgirêka herî sereke ya jinan pirsgirêka azadiyê ye, ji ber wê jî divê em jin demboriyê baş têbigihin divê em hemû di van navendan de xwe bi rêxistin bikin û tekoşînê bikin, bi wî awayî hembûna xwe ji nû ve jîndar bikin. Ji ber em hemû di vê jîndarkirinê de veşartîne."

Necla anî ziman ku ji bo avakirina cihê nirxandina hevbeş ew dixebitin û wiha berdewam kir: "Divê em ji derveyî zanîna ku di cihên girti yên weke zanîngehan de tên dayîn di herêmên girêdayî xwe de bi xwe lêkolîn bikin." Necla bilêv kir ku ji ber karê zêde heya piştî hilbijartinan wan navber daye perwerdeyên xwe, dê piştî 7'ê Hezîranê dest bi xebatên atolyeyên xwe bikin.

(zt)