Dîdem Elî/JINHA

SERÊKANİYÊ - Bi şoreşa Rojavayê kurdistanê re bê navber xebatên înşayê kirina civakê didome. Yek ji saziyên xebatê înşakirinê Mala Gel ya bajarê Serêkaniyê ye, ew jî bi pêşengtiya jin tê rêve birin.

Li bajarê Serêkanî ya Kantona Cizîra Rojava xebatên gel ya avakirina jiyana demokratîk bê navber didome. Xebatê Mala Gel ya ku bi pêşengiya jinan tê rêvebirin, bi hemû xebatê xwe buye navenda çareseriya pirsgirêkê gel. Derbarê xebatên Mala Gel ya bajarê Serêkaniyê, Hevseroka Mala Gel ya bajarê Serêkaniyê Stêra Reşik nirxandin kir.

Stêra derbarê rola jin ya di nava xebatên Mala Gel ya bajarê Serêkaniyê de axivî û wiha got: " Jin di hemû saziyên Rojavayê Kurdistanê bi fedekariyek mezin, tevlî xebatan bû. Hem di çeperên şerde vê fedekariyê raber kir, hem jî di saziyên rêxistinî ên sivîl de bê hesap tevlî bû. Di saziyê Mala Gel de gelek jin cihê xwe digrin. Di serî de, hem ji bo ku hişmendiyê civak li hember jin bê guhartin û hem jî zehmetiyên rêvebirkinê astangî hat kişandin. Lê belê jin bi rêxistin bûna xwe nêrîn û hişmendiya civak ya li hember jinê guherit. Ev serkeftina berxwedanî û hêza rêxistina jine."

'Bi avakirina komînan re hêza çareserî jî pêşket'

Stêra di berdewamiya gotina xwede diyar kir ku, bi avakirina komînan pirsgirêkan çareser dikin û wiha dom kir: "Di serî de em li saziya Mala Gel diman û demê ku welatî hatiban, pirsgirêkek wan heba me çareser dikir. Lê belê bi demê re me dît ku ev xebat têrê gel nake. Ji ber vê yekê me biryar da em biçin gundan û li her derê Komînan avabikin. Bi avabûna komînan re em xwe dighînin hemû welatî û pirsgirêk bi awayek hêsantir tê çareser kirin. Di saziya Mala Gel de komîteya li hevhatinê heye. Ger pirsgirêkek hebe çareser dike. Plansaziya me ya vê demê em li bajarê Serêkaniyê navenda Jin ya xweser vekirine."

Stêra di dawiya gotina xwe de behsa berxwedana şervanên YPJ'ê kir û wiha got: "Em hêza xwe ya manevî ji şervanên YPJ'ê digrin. Berxwedaniya wan ya bê hempa ji hemû cîhanê re bû mînak. Jinên ku bi felsefe û ramanê Rêber APO pêşbikevin dê pêşengiya hemû jina bike û bigêje asta azadiyê."


(rc)