JINHA

AMED - Şaredariya Bajarê Mezin a Amedê, ji bo Girtîgeha Amedê bibe muze wê gava destpêkê ya şênber di 18'ê Gulanê de bi avêje û "Navenda Koordînasyona Girtîgeha Amedê" veke.

Girtîgeha Amedê ku di derbeya 12'ê Îlonê de wek navenda îşkenceyê bû, her wiha bûye mijara roman, fîlm û wêneyan, bi hewldana Şaredariya Bajarê Mezin a Amedê wê veguhere muzexaneyê. Ev hewldana ku Şaredariyê serkêşiya wê dike û saziyên civaka sîvîl piştgiriyê lê dikin, ji bo bibe muzexane xebat wê roja Duşemê li "Navenda Koordînasyona Girtîgeha Amedê" ku Jîngeha Sumerparkê ye, bêne meşandin. Serokê Daîreya Geşkirina Aboriya Xwecihî ya Şaredariya Mezin Necatî Pîrîncçîoglû, der barê armancên vê hewldanê de agahî da û diyar kir Zindana Amedê demeke dirêj e di dilê gelê kurd de wek kul û birînekê ye. Bi serkêşiya Şaredariya Bajarê Mezin a Amedê, Weqfa 78'an, TUHAD-FED, MEYADER, ÎHD, Baro û TMMOB û hin sazî hatine cem hev, ji bo Girtîgeha Amedê bibe muzexane nîqaş meşandine û di encamê de biryar dane ku ev hewldan bibe hewldaneke sazûmaniyê. Dê 18 Gulanê bernama ser Girtîgeha Amedê bibe muze bê aşkerekirin.

(zt)