JINAH

AMED - Di çarçova çalakiyên 15'ê Gulanê Roja Zimanê Dayîkê Kurdî de li Amedê Festîfala Zimanê Kurdî û Zarokan despêkir.

Bi boneya 15'ê Gulanê Roja Cejan Zimanê Kurdî ji aliyê Şaredariya Bajarê Mezin a Amedê, TZP-Kurdî û DÎSA yê ve Festîfala Zimanê Dayîkê û Zarokan ya Amedê hatiye amadekirin. Festîfalê li Navenda Jiyana Hevpar ya Sumerparkê despêkir û dê heya 17'ê gulanê berdewam bike. Di meşa ji ber avahiya KCD'ê despêkir heya Sumerparkê de gelek zarok, nunerên saziyên sivî û welatî amadebûn. Di festîfala berê bi wêneyên zarokên Şengalî û Kobaniyan xêzkirî hatî xemilandin de Perwerdêrê MAPER'ê Laleş Biçimli diyar kir ku festîfalek bi vî rengî carayekeme tê li darxistin. Laleş anî ziman ku ewê bi van xebatên xwe astengiyên li hember ziman rakin û bibin bersiva daxwazên zarokan. Piştî axaftina vekirinê zarokên ku dovîzên weke "Her zarok bi zimanê xwe dikene", "Zimanê min mafê mine" û "Ez bi zimanê xwe şad dibim" şitil çandin.

Dê di festîfala ku sê rojan berdewam biki de gelek çalakiyên çandî bên pêşandan.

(zt)