Jînda Azad/JINHA

DİRBÊSİYÊ - Ji bo avakirina civaka demokratîk û ekolojîk bê navber xebat li bajarên Rojava ya Kurdistanê didomin. Li aliyê din bi pêşengiya jin xebatên ewlehiya bajêr tên meşandin.

Li bajarên Kantona Cizîrê xebatên avakirina civaka demokratîk û ekolojîk bê navber didome, li aliyê din xebatên ewlehiyê ya ku bi pêşengiya jin tê meşandin reng dide jiyanê. Derbarê xebatên xweser ya tirafîqên polîsên jin de endamên saziya polîsên tirafîqê ya bajarê Dirbêsiyê Medûne Îbrahîm û Amara Ebdo nirxandin kirin û derbarê xebatên xwe de agahî dan.

Endama Saziya tirafîqên polîsan ya bajarê Dirbêsiyê Medûne Îbrahîm derbarê xebatên xwe ya xweser de agahî dan û wiha got: "Di serî de dema ku me dest bi xebatê kir, ji bo fêrbûna kar hindek zehmetî me kêşand. Lê piştî demek êdî di her karî de em ketin pêş û pêşengiya vî karî dikin. Carnan li niqteya qontrolê, carnan em derdikevin dewriye nava bajêr de, çi xebatên girêdayî ewlekariyê hebe em dikin. Her hefte em civîna xwe ya giştî û xweser derbarê xebatê de digrin û dinirxînin. Di heman demê de ji ber ku hemû xebatên ewlehî bi hev ve girêdaye, em bi Asayîşa Jin re jî tên ba hev û ewlehiya herêmê dinirxînin û li gor vê yekê em diçin pilansaziyên nû."

'Cihê ku jin lê tûne be, li wir jiyan û wetaya jiyanê tûne ye'

Medûne her wiha li ser girîngiya rola jin ya di nava xebatê de nirxand û wiha dom kir: "Niha em di saziya tirafîqa polîsan de cihê xwe digrin. Li hemû saziyên Rojava jin ji xebatê re pêşengiyê dike. Cihê ku jin lê tûne be li wir jiyan û wetaya jiyanê tûne ye."

Amara Ebdo jî bi hebûna hêza jin gelek sazî tê bi rêxistin kirin û wiha got: "Civak êdî ji rêxistinbûna jina bewar dike. Gelek pirsgirêkên ku li ser riya qontrolê derdikevin em çareser dikin. Gelek ajokar hene bi awayek lez tirimbêlên xwe dajon. Em wan hişyar dikin hem ji bo ewlekariya wan kesan hem jî ji bo welatiyan rehetsizî em vê erkê xwe dikin. Saetên me yê xebatê ji 8.00'ê heya 18.00 didome, lê belê eger xebatek awerte hebe em wê jî pêktînin.

(rc)