Newroz Dijwar/JINHA

SİLÊMANÎ - Ser qirkirina Hewlêrê ya weke xalek reş re 18 sal derbasbû. Selma Ferec Qaradaxi ya ku li aqubeta keça xwe digere xwest birpirsên wê qirkirinê bên darezandin.

Artêşa Tirk di 14'ê Gulana sala 1997'an de li Başurê Kurdistanê operasyon dan despêkirin, paşê du rojan di serî de Dezgay Jiyan û Awedan (DJAK) ya girêdayî Heyva Sor a Kurdistanê jî di navê de gelek dam u dezga yên welatparêzan girtin çemberê û bi çekên giran tarama kirin. Gerillayên PKK'ê yên giran birîndar yên di Nexweşxana DJAK'ê de dihatin dermankirin danber guleyan hinek ji wan jî girtin binçavan û hîna agahî ji wan nayê girtin. Gelek dam û dezgayên kurdan yên weke Navenda Gişti ya Yekîtiya Netewiya Demokratîka Kurdistan (YNDK), Şaxa Navenda Çandê a Hewlêrê ((MKM), Rêveberiya PKK'ê, Komela Yekîneyên Jinên Azad (YAJK) û Rojnamên Welat û Rojî Welat bi heman çekan hatin gulebarankirin. Di êrîşê de 62 mirovên bê parastin hatin qetilkirin. Di roja despêkê ya êrîşê de cenazê 52 kesan hatin dîtin, aqubeta 10 kesên dinê hîna nayê zanîn.

'Divê yên keça min gulebaran kirî bên cezakirin'

Dayîka Nahîde ya di qirkirina Hewlêrê de hatî windakirin Selma Ferec Qaradaxi bi salane li du cenazê keça xwe digere û dixwaze faîlên wê bên darezandin. Nahîde ya ku di sala 1997'an de di Rojnama Rojî Welat de dixebitî di dema êrîşên hevpar yên tirkan û hêzên KDP'ê yên ser dam û dezgayên kurdan de ji wê rojê heya niha jê xeber nayê girtin. Dayîka Selma wiha got: "Di navberê de 18 sal derbasbû. Çî bi serê keça min hatiye bila ji bo min bêjin. Ez ji wan mal û pere naxwazim, tenê hestiyê keça xwe dixwazim. Ez dixwazim tenê rojek be jî cenazê keça xwe bibînim. Ez bi vê hêviyê dijîm. Divê yên keça min gulebaran kirine bên ceza kirin."

'Keça min bi çar hevalên wê ve qetilkirin'

Selma destnîşan kir ku di sala 1996'an de keça wê Nahîde beşdarî nava refên PKK'ê bûye, keça wê xwediyê kesayetek gelek bi hêz bûye û wiha domand: "Keça min xwediyê dilek pak û kesayetek gelek bi hêzbû. Ew xwediyê disiplînek bihêzbû. Berî şehîdkeve hat ez dîtim. Ez ticarî wê rojê ji bîr nakim. Di hewşa malê de cara dawiyê li min nêrî, destê xwe li min hejand û got ' bi xatirê te dayê'. Ew kêliya dawiyê bû min keça xwe dîtî. Êdî min keça xwe nedît. Paşê min agahiya şihadeta keça xwe bihîst. Li Hewlêrê qirkirin çêbû. Yek yê keça min nasdikir, agahiya keça min li gel çar hevalên xwe li heman cihî qetilkirin."

(zt)