JINHA

SILÊMANÎ - Li Xaneqîn Leyla Qasim û Şirîn Elemhûlî bi meresimekê hatin bibîranîn.

Li navçeya Xaneqîn a Silêmaniyê a Başurê Kurdistanê bi organîzeya Tevgera Azadiya Civaka Kurdistanê 2 jinên şoregên Kurd Leyla Qasim û Şirîn Elemhûlî hatin bibîranin. Meresima bîranînê bi beşdarbûnan dehan welatiyan pêkhat û di meresimê de Hevseroka Tevgera Azadiya Civaka Kurdistanê Şîlan Şakir diyar kirin ku her 2 jinên çeleng di du erdnîgariyên cûda de şehîd ketin, lê bîr û zihniyeta wan yeke û wiha got: “Bi ruhê û giyanên xwe bûn nasnameya jina azad û pêşeng. Ji bo jinên cîhanê û Kurd bûn rênîşander. Di kesayeta her du jinên şoreşger Leyla Qasin û Şirîn Elemhûlî de rêya me ya şoreşgeriyane û xebata me wê bidome.” Şîlan anî ziman ku jinan her tim di nava civakê de cihê xwe girtîne û berdewam di warê siyasî û leşkerî de erkên xwe bi cih anîne. bal kişand ser rola jinên Kurd di berxwedana Kobanê de û got ku jina Kurd her tim kariye berxwedana jina Kurd nîşanî tevahiya cîhanê bide.

Piştî axivtinan jînameya her 2 jinên Kurd yên çelenk û şoreşger Leyla Qasim û Şirîn Elemhûlî hatin xwendin û ji aliyê malbatên şehîdan ve mûm hatin pêxistin.

Pişt re jî sînevîzyona li ser jiyan û têkoşîna Leyla Qasim hat pêşandan.

(zt)