JINHA

ŞIRNEX – Li Cizîrê Dayîkên Şemiyê di hefteya 334'emin de çalakiya xwe lidarxistin. Di vê hefteyê de dayîkan aqubeta Ebubekîr Dayan ê ku di bin çav de hatî wunda kirin pirsîn. Nunerê Şaxa İHD’a Şirnexê Abdullkerim Pusat got ku ew tenê edaletê dixazin û wiha pirsî: "Tu li ku derê yî eyî dad?”

Li navçeya Cizîr a Şirnexê Dayikê Şemiyê di hefteya 334'emîn de jî çalakî lidarxistin û daxwaza dadê kirin. Hevşaredara Cizîrê Leyla Îmret, rêveber û endamên MEYA-DER, KURDÎ-DER, HDP, DBP, DİVES jî di navê de gelek saziyên sivîl tevlî çalakiya li Kolana Hunerê pêk hat bûn. Di çalakiyê de albuma kesên faîlên wan ne diyar hat vekirin. Di çarçoveya 9'emîn Mihricana Çand û Ziman de gelek kesê ku ji bo beşdarbûna mihrîcanê hatine Cizîrê ji bo piştgiriyê tevlî çalakiyê bûn.

Vê heftê Çîroka Ebubekîr Dayan ê di sala 1994’an de di bin çavan de hatibû wundakirin ji aliyê endamê MEYA-DER'ê Weysî Durgut ve hat vegotin. Ebubekîr ê di wê demê de li mizgefta Cizîrê mele ye di 17 Çileya 1994 de tê binçav kirin. Cenazeyê Ebubekîr piştî ku tê binçav kirin 13 rojan dibin nexweşxanê û tê îda kirin ku Ebubekîr ji qeyîrana dil jiyana xwe ji dest da ye. Weysî diyar kir ku piştî li xwe mikurhatinê itîrafkaran di derbarê qetilkirina Ebubekîr de doz hatiye vekirin. Nunerê İHD’ê Abdullkerim Pusat jî axivî û diyar kir ku failê vê buyerê diyarin û wiha got: “Hevsera wî Sadet çend caran çêroka wî li vê derê goti ye. Tizbî û kumê wî çend caran nişanî me da. Em tenê dadê dixwazin. Em dipirsin gelo tu li kuyê ey dad.”

Piştî axaftinê 5 deqan çalakiya runiştinê pêk hat.

(ma/zt)